Праграма Фулбрайт фінансуецца Урадам ЗША праз Бюро па пытаннях адукацыі і культуры Дзярждэпартамента ЗША.  Пераможцы конкурсу атрымаюць магчымасць напрацягу аднаго семестра альбо навучальнага года займацца навукова-даследчай дзейнасцю ў адным з амерыканскіх універсітэтаў. Сродкі на праезд, пражыванне і штодзённыя выдаткі прадастаўляе амерыканскі бок.

 

Да ўдзелу ў  адкрытым конкурсе запрашаюцца грамадзяне Рэспублікі Беларусь, якія выкладаюць ва ўстановах вышэйшай адукацыі і займаюцца навукова-даследчай дзейнасцю, а таксама маюць вучоную ступень кандыдата альбо доктара навук. Абавязковым патрабаваннем конкурсу з’яўляецца валоданне англійскай мовай.

 

Заяўкі прымаюцца па наступных спецыялізацыях:

·             эканоміка

·             бізнес адміністрыраванне

·             права

·             кіраванне ў галіне адукацыі (універсітэцкі ўзровень)

·             міжнародныя зносіны

·             амерыканістыка

·             сацыяльныя навукі (сацыялогія, паліталогія, гісторыя)

·             журналістыка і сродкі масавай інфармацыі

·             метады выкладання англійскай мовы

·             інфармацыйныя тэхналогіі

·             ахова здароўя

·             ахова навакольнага асяроддзя

·             сацыяльная праца

 

Падрабязную інфармацыю аб праграме можна атрымаць у Аддзеле інфармацыі, адукацыі і культуры Амбасады ЗША па адрасе: вул. Герцэна, 2-А, г. Мінск 220030,  тэл: (017) 217 04 81, факс: (017) 211 03 84, e-mail: [email protected].
Для ўдзелу ў праграме суіскальнікі павінны запоўніць online анкету: https://apply.embark.com/student/fulbright/scholars/.

 

Апошні тэрмін падачы заявак – 11 лістапада 2011 года.

 

http://belarusian.minsk.usembassy.gov/fulbright_program-announcement2.html