Партал грамадскiх аб’яднанняў Рэспублікі Беларусь |
Базы дадзеныхГрамадcкія аб’яднанні, Фонды, Некамерцыйнае права, Прававая дапамога ГА, Карысныя спасылкі, Адказы юрыста |
Трэці сектарНавіны, Праграмы і конкурсы, Праекты ГА, Маніторынг ГА, Прэс-маніторынг ГА, Мэнэджмэнт |
Аб'яднаны шлях |
|
Партал грамадскiх аб’яднанняў Рэспублікі Беларусь - БРГА «Аб'яднаны шлях» - → Навіны
Грамадзкая культурніцкая кампанія “Будзьма беларусамі!” і Школа маладых мэнэджэраў публічнага адміністраваньня SYMPA абвяшчаюць конкурс праектных ідэяў, скіраваных на спрыяньне мясцоваму і рэгіянальнаму разьвіцьцю па ўсёй Беларусі.
Да ўдзелу ў конкурсе запрашаюцца любыя непалітычныя ініцыятывы і арганізацыі грамадзянскай супольнасьці, дзяржаўныя ўстановы і камэрцыйныя арганізацыі, фізычныя асобы, крэатыўныя каманды, і ўсе, хто займаецца паляпшэньнем культурніцкай і сацыяльнай прасторы ў сваім населеным пункце або рэгіёне.
На конкурс прымаюцца ідэі, якія:
– Могуць зрабіць лепшым жыцьцё ў вашай мясцовасьці агулам ці для нейкай групы людзей;
– Яднаюць актыўных жыхароў для вырашэньня грамадзка важных пытаньняў;
– Умацоўваюць ідэнтычнасьць, у тым ліку праз пашырэньне ведаў пра гісторыю і культуру, пра родны горад або рэгіён;
– Матывуюць да адказнасьці за лёс свайго населенага пункту;
– Разьвіваюць крэатыўны падыход да ажыцьцяўленьня задумаў;
– Павялічваюць патэнцыял грамадзкіх актывістаў;
– Дапамагаюць наладзіць кантакты розным групам паміж сабой і зь дзяржаўнымі арганізацыямі і ўстановамі.
Заяўка мусіць утрымліваць:
– Імёны і прозьвішчы аўтараў / ініцыятараў праекту, кантакты;
– Назву, мэту і сутнасьць праекту (да 700 словаў);
– Мэтавыя аўдыторыі (чаму і каму гэты праект неабходны);
– Чаму ідэя ўнікальная і/ці актуальная;
– Калі і дзе ідэя мусіць рэалізавацца;
– Якія рэсурсы вы ўжо маеце і якія – шукаеце (каманда, партнэры, бюджэт).
Заяўку неабходна даслаць да 20 студзеня 2017 г. праз эл. адрас: з пазнакай “На конкурс ідэяў”.
Падтрыманыя ідэі мусяць быць рэалізаваныя ў любы час у пэрыяд з 01.02.2017 г. па 31.01.2018 г.
Вынікі конкурсу абвесьцяць 30 студзеня 2017 г. на сайце budzma.by.
З дадатковымі пытаньнямі зьвяртайцеся праз эл. адрас .
belngo.info