Кроніка грамадзкага жыцьця Гарадзеншчыны №320 ад 9.01.2009 г.

 

  

 

 

Эсборн Іорсэтэр – дырэктар школы комікса ў Стакгольме, стваральнік навучальных дзіцячых кніжак і вядучы тэлепраграмы – прыехаў, каб навучыць гарадзенскіх школьнікаў маляваць коміксы. Падобная сустрэча ў верасьні ўжо ладзілася ў Менску. Яе вынікі настолькі ўразілі арганізатараў, што курс вырашылі паўтарыць у Гародні.

Дзяцей ад 12 год, ахвотных навучыцца маляваць коміксы, у Гародні знайшлося каля 30. Спачатку яны спрабавалі выразіць свае эмоцыі ў смайліках, а праз пару дзён стваралі сапраўдныя коміксы. Прадстаўнікі Зялёнай Сеткі распавялі ўдзельнікам сэмінара пра праблемы экалёгіі, устойлівае разьвіцьцё. У выніку зьявіліся коміксы на экалягічную тэматыку, што і было мэтай праекта.

Творы ўдзельнікаў сэмінара ў хуткім часе зьявяцца на інтэрнэт-партале Зялёнай Сеткі.

Мерапрыемства ладзілася пры падтрымцы ініцыятывы GAP-international, Зялёнай Сеткі і Гарадзенскай праваслаўнай Епархіі.

Меркаваньне афіцыйнае, або «за», агучыў кандыдат біялагічных навук Валянцін Лучко. Шматслоўны і мудрагелісты выступ закліканы быў упэўніць журналістаў ня толькі ў тым, што АЭС – жыцьцёва неабходны праект для Беларусі, але і ў тым, што Астравецкі раён - аптымальная пляцоўка для будаўніцтва гэтага аб'екта. Пасьля нешматлікіх пытаньняў журналістаў В.Лучко прэс-канфэрэнцыю пакінуў (справы!), і дыялёг працягнулі апаненты.

Грамадзкі актывіст, пенсіянер з Астраўца Іван Фёдаравіч Крук, распавёў аб тым, як і якімі сіламі група актывістаў спрабуе абудзіць грамадзкую свядомасьць і данесьці да кожнага жыхара раёна небясьпеку ўзьвядзеньня АЭС. Лісты і звароты ў дзяржаўныя структуры і СМІ, вусныя тлумачэньні, збор подпісаў, сустрэчы з прадстаўнікамі Літвы і Польшчы, падрыхтоўка да магчымай сустрэчы з уладамі ў Менску  – не поўны пералік таго, што пасьпеў зрабіць І.Ф.Крук.

Эколяг Ніна Палуцкая, якая часта бывае ў рэгіёне запланаванай будаўнічай пляцоўкі, яшчэ раз нагадала пра экалягічную ўнікальнасьць Астравецкага раёна. Аб тым, што гэты куток Беларусі, куды ўжо вярнуліся ласосевыя, дзе ў рэках чыстая вада, а лясы не забруджаныя адыходамі «цывілізацыі», найбольш прыдатны  для развіцьця экатурызму і турыстычнага бізнэсу, а не для «атамнага палігона». Спадарыня Палуцкая адзначыла таксама, што ў Беларусі не рабіліся спецыяльныя дасьледаваньні па выбары пляцоўкі для будаўніцтва з пункту гледжаньня бясьпекі, паколькі спецыялістаў такога кшталту ў рэспубліцы проста няма…

Скончылася прэс-канфэрэнцыя амаль рытарычным пытаньнем мадэратара Міколы Маркевіча – што могуць зрабіць журналісты па прыцягненьні ўвагі грамадзкай думкі да праблемы будаўніцтва АЭС.

Паводле www.t-styl.info

Такую думку ў інтэрвію БелаПАН выказаў старшыня Беларускага дабраахвотнага таварыства аховы помнікаў Антон Астапковіч.

На яго думку, зьнішчэньне многіх помнікаў нацыянальнай спадчыны ў 2008 г. супярэчыла як нацыянальнаму, так і міжнароднаму заканадаўству. Пры гэтым упаўнаважаныя ахоўваць гістарычныя і культурныя помнікі ўлады часта не рэагавалі на факты парушэньня законаў, не давалі прадстаўнікам грамадзкасьці інфармацыі пра перспектывы захаваньня і выкарыстаньня тых альбо іншых помнікаў, а часам нават дэзынфармавалі грамадзян, якія цікавіліся такімі пытаньнямі.

Паводле www.t-styl.info

У зборнік ўвайшлі як лірычныя вершы, так і творы, прысьвечаныя славутым мясьцінам і асобам роднага краю.

Рэдактарам кнігі зьяўляецца Ўладзімір Хільмановіч. Наклад выданьня, якое ўбачыла сьвет пры ўдзеле лідэра "Руху за Свабоду" Аляксандра Мілінкевіча, 100 паасобнікаў.

Паводле www.t-styl.info

Гарадзенскае абласное аддзяленьне гэтай арганізацыі прызнана лепшым рэгіянальным аддзяленьнем у Беларусі, а яго кіраўнік – Дзьмітры Вінчэўскі стаў другім у намінацыі “Лепшы сябра АПБ”.

У гэтыя выходныя гарадзенскія арнітолягі ладзяць трэнінг для настаўнікаў і студэнтаў па выкарыстаньні інтэрактыўных метадаў навучаньня ў экалягічнай адукацыі. Арганізацыя зьбіраецца таксама браць удзел у агульнанацыянальнай акцыі па зімовым ўліку птушак у Беларусі, якая распачынаецца 10 студзеня.

Паводле www.t-styl.info

 5уверх  

 

Праект рэалізуецца пры падтрымцы Міністэрства адукацыі Рэспублікі Беларусь і Міністэрства працы і сацыяльнай абароны Беларусі.

У праграме пяцідзённых сэмінараў будуць закранацца наступныя тэмы:

- Асновы камунікацыі

- Разуменьне інваліднасьці.

Праграма пабудаваная на аснове сучасных навучальных мятодык: ролевыя гульні, разьвіваючыя гульні, дыскусыі, форум-тэатр, арт-тэрапія.

Сэмінары ладзяцца з 6 па 10 лютага і з 12 па 16 сакавіка пад Менскам.

Усе выдаткі – за кошт арганізатараў.

Апошні тэрмін падачы заяўкі – да 31 студзеня і да 8 сакавіка.

Больш падрабязная інфармацыя – па эл. пошце different-equal@mail.ru, тэлефонах 8-029 555-68-38(МТС) , 8-017 228-53-51, па адрасе: Менск, вул.М.Лынькова 8-4, 220104.                         

Гэта праграма, якая зьвязвае традыцыі і сучаснасьць, этнаграфічныя экспедыцыі і сэмінары па сучасных жаночых праблемах. Як рэалізаваць сябе? Ці мае жаночае лідэрства жаночы характар? Як дасягнуць сваёй мэты і навучыцца натхняць іншых? На ўсе гэтыя пытаньні мы жадаем знайсьці адказы разам з Вамі!

План заняткаў:

- Сэмінар знаёмства (31 студзеня – 1 лютага)

Складаньне плана далейшых экспедыцый і сэмінараў.

- Час экспедыцый (люты-сакавік )

У чым заключаўся сэнс рытуалаў, заняткаў нашых бабуль? Што ад гэтага мы маем на сёньня? Якія каштоўнасьці мы можам зараз перадаць сваім дзецям? Гэта час вандровак і знаёмстваў з цікавымі людзьмі, якія займаюцца традыцыйнымі, але забытымі сёньня заняткамі. Будзе магчымасьць прыняць удзел у 1-2 экспедыцыях.

- Час сэмінараў (2 выходных, сакавік - красавік)

У чым асаблівасьць ладу жыцьця сучасных жанчын, і чым гэта адрозьніваецца ад ладу жыцьця пакаленьня нашых матуль, бабуль? Сучасныя гендэрныя тэорыі – у чым іх спецыфіка? Гэта час для самавызначэньня, вызначэньня сваіх інтарэсаў і стварэньне стратэгій па іх рэалізацыі, напісаньне міні-праектаў.

- Час самаадукацыі ў навучальных гуртках (5 сустрэч на працягу траўня-чэрвеня)

Гэта цудоўная магчымасьць абмеркаваць тэмы, зь якімі плануецца працаваць, назапасіць матэрыял, абмеркаваць пытаньні і стратэгіі правядзеньня ўласных праектаў.

- Час дзеяньня (ліпень-лістапад)

Уласныя крокі ў самарэалізацыі і рэалізацыя міні-праектаў ў любой галіне жыцьця, накіраваных на аб’яднаньне вакол вырашэньня хвалюючых праблем у грамадзтве.

- Фэстываль жаночых ідэй (сьнежань 2009)

На гэтым мерапрыемстве будуць прадстаўлены цікавыя вынікі творчай працы жанчын па рэалізацыі сваіх ідэй у межах праграмы.

Для ўдзелу ў спаборы неабходна запоўніць анкету і напісаць эсэ “Якая я жанчына і якія праблемы жанчын мяне хвалююць?” (ня меньш за 2 старонкі)  і даслаць з адзнакай “Праект Ж” на 2 эл.адраса: velichko.alena@gmail.com і alesja.bel@gmail.com

Апошні тэрмін падачы заявак – да 23 студзеня.

За больш падрабязнай інфармацыяй зьвяртайцеся па тэлефонах: Алёна Вялічка (+375 29 645 06 12), Алеся Белановіч (+375 29 878 67 79).

 

Стыпэндыі складаюць ад 1100 да 1650 эўра штомесяц.

Апошні тэрмін падачы аплікацыяў – 22 лютага.

Сьпіс неабходных дакумантаў і заяўку можна знайсьці на вэб-пляцоўцы: http://www.ici-berlin.org/fellowships/application-instructions/.

Падрабязная інфармацыя на вэб-пляцоўцы Бэрлінскага Інстытута Культурніцкіх дасьледваньняў http://www.ici-berlin.org.

 

 

 

Кожны ахвотны можа падаць заяўку на ўдзел у адукацыйных праграмах Master´s (магістратура) тэрмінам ад 1 да 4 сэмэстраў ці Post-Master´s (асьпірантура) тэрмінам ад 1 да 2 сэмэстраў.

Афіцыйная мова Міжнароднага Вышаградскага Фонду - ангельская.

Апошні тэрмін падачы заявак на 2009/2010 акадэмічны год – 31студзеня.
Дадатковая інфармацыя знаходзіца на вэб-пляцоўцы www.visegradfund.org.
Паводле рассылкі belngo.info

 

 Задачы спабора:
• маральная падтрымка беларускамоўных педагогаў;
• прыцягненьне ўвагі грамадзкасьці да праблем роднамоўнага выкладаньня і
выхаваньня ў базавых і сярэдніх школах, дашкольных і пазашкольных
установах, ліцэях, гімназіях і каледжах;
• фармаваньне грамадзкай думкі аб прэстыжнасьці навучаньня па-беларуску;
• аб'яднаньне беларускамоўных педагогаў, спрыяньне іх супрацоўніцтву,
абмену досьведам працы, арганізацыі супольных праектаў і інш.

Крытэры вызначэньня пераможцаў:
• выкладаньне па-беларуску дысцыпліны ці правядзеньне выхаваўчай працы
на роднай мове;
• прафэсыяналізм і наватарства, творчасьць і навуковасьць;
• аўтарытэт сярод калег, бацькоўскай грамадзкасьці і навучэнцаў;
• высокая грамадзянская пазіцыя.

Усе годныя кандыдаты будуць адзначаныя дыплёмамі ТБШ, асобна будуць
уганараваныя тры пераможцы.

Сёлета ўдзельнічаць у спаборы могуць настаўнікі з усёй Беларусі.

На кандыдата запаўняецца анкета ад імя арганізацыі, установы, або самім педагогам і дасылаецца на адзін з адрасоў: tbskoly@tut.by; 220051 Менск, вул.Громава, 38–21. Лозку А.Ю.

Могуць дадавацца іншыя матэрыялы, што падцьвярджаюць высокія
вартасьці кандыдата. Пры неабходнасьці журы ТБШ можа наведаць установу
канкурсанта.

Апошні тэрмін – да 1 сакавіка.

Больш падрабязную інфармацыю можна атрымаць па тэл. 8029–7520821.

       Паводле рассылкі nastaunik.info

 

 

 

   Стажыроўкі для моладзі

 Сусьветны Банк  прапануе стажыроўкі для маладых людзей, зацікаўленых у вывучэньні эканомікі й сацыяльных пытаньняў, што ўплываюць на жыцьцё людзей па ўсім сьвеце.