Рэгіянальная адукацыйная праграма VioskaLab

Рэгіён:
31.05.2018
Рэгіянальная адукацыйная праграма VioskaLab

VioskaLab – гэта адкрытая моладзевая прастора для супольнага пошуку ідэй і рэалізацыі ініцыятыў у сельскай мясцовасці Мінскай і Гомельскай вабласцей. Да ўдзелу запрашаецца моладзь 18-35 гадоў, якая гатова рэалізоўваць свае ідэі ў сельскай мясцовасці і малых гарадах (насельніцтва да 10,000 чалавек) у Мінскай і Гомельскай вабласцях. Заяўкі на ўдзел прымаюцца да 23:59 10 чэрвеня 2018.

Мэты праграмы:

  • Стварыць матывуючы асяродак для моладзі сельскай мясцовасці
  • Паспрыяць фарміраванню мясцовых супольнасцяў, умацаванню сувязаў і добрасуседскіх практык у рэгіёнах
  • Паўплываць на фарміраванне новага пазітыўнага іміджу вёскі і невялікіх гарадоў

Якія лакальныя ініцыятывы падтрымліваюць?

  1. Культурныя. Стварайце культурныя аб’екты ды лакальныя падзеі сумесна з суседзямі ды суседкамі.
  2. Добрасуседскія. Усталёўвайце ці ўмацоўвайце прыязныя адносіны паміж суседзямі ды суседкамі вашай вёскі або гарадка.
  3. Экалагічныя. Паляпшайце экалагічнае асяроддзе разам з жыхарамі ды жыхаркамі свайго населенага пункту.
  4. Нефармальна-адукацыйныя. Дзяліцеся сваімі ведамі ды кампетэнцыямі нестандартна і якасна.

Крыніца: vioska.tilda.ws

https://by.odb-office.eu/anonsy_/regiyanalnaya-adukacyynaya-pragrama-vioskalab