Праект БРГА «Аб’яднаны шлях» |
Базы дадзеных |
Трэці сектарНавіны, Мэнэджмэнт, Некамерцыйнае права, Праграмы і конкурсы |
Аб'яднаны шлях |
|
ngo.by → Маніторынг беларускай прэсы
Першая беларуская газета, заснаваная ў 1906 годзе, адноўленая ў 1991 годзе. Пасьведчанне аб рэгістрацыі №581 ад 4 ліпеня 2002, выдадзенае Міністэрствам інфармацыі Рэспублікі Беларусь.
№ 44(498), 01.12.2006 Сакратарыят ТБМ зацьвердзіў зварот да кіраўніка беларускай дзяржавы з прапановай абвесьціць наступны год Годам беларускай мовы і культуры.
№45(499), 08.12.2006 Беларускае тыварыства глухіх прымеркавала да Дня інвалідаў выданьне расейска-беларускага слоўніка мовы жэстаў. У дапаможніку 5 000 словаў, яго наклад 2 000 асобнікаў.Жэсты пададзены з гледзішча абедзьвюх моваў. Мерапрыемствы, прысьвечаныя Дню інвалідаў, працягнуцца ў Гомельскай вобласьці да сярэдзіны сьнежня.
№39(493) 27.10.2006. 22 кастрычніка ў Менску прайшоў 15 Зьезд Саюзу беларускіх пісьменнікаў. На яго зьехаліся 275 літаратараў з 494, што ўваходзяць у Саюз. Абсалютнай большасьцю галасоў на пасаду старшыні Саюзу пераабралі Алеся Пашкевіча.
№39(493) 27.10.2006. 61 год таму набыў сілу Статут ААН. Сярод краін-заснавальніцаў была таксама Беларусь. ААН мае ў Беларусі прадстаўніцтвы пятнаццаці падраздзяленняў. Ад мінулага году па-беларуску зьявіўся гімн ААН. Яго пераклаў народны паэт Белапусі Рыгор Барадулін.
№39(493) 27.10.2006. 9 кастрычніка ў Вільні ў Доме пісьменніка адбыўся ўстаноўчы сход новай творчай арганізацыі Саюз беларускіх пісьменнікаў, у якім узялі ўдзел беларускія пісьменнікі, якія жывуць у Вільні, старшыня СБП Алесь Пашкевіч і прадстаўнікі кіраўніцтва Саюзу пісьменнікаў Літвы на чале са старшынём Ёнасам Ліняўскасам.
№33(487), 8.09.2006. 5 верасня ў дольнай залі Чырвонага касцелу быў сход Беларускага ПЭН -Цэнтру. Распачаўся ен ушанаваннем памяці Янкі Брыля. Падчас сходу таксама былі ўручаныя прэміі імя Ф. Багушэвіча і А.Адамовіча за 2006 год. Першую атрымаў Леанід Маракоў за кнігу "Рэпрэсаваныя літаратары, навукоўцы, работнікі асьветы, грамадзкія і культурныя дзеячы 1794— 1991". Аўтар, які паклаў доўгія гады жыцця і здароўе на выданнье даведніка-помніка, заўважна хваляваўся, прымаючы ўзнагароду.Сяргей Наумчык уганараваны прэміяй імя А.Адаморвіча за кнігу "Сем гадоў Адраджэння. Фрагменты найпершай беларускай гісторыі (1988-1995)".
№17(471), 12.05.06. 26 красавіка Берасцейскі суд ліквідаваў моладзевае грамадскае аб'яднанне "Сузро'е" за два папярэджанні ад управы юстыцыі аблваканкаму. Арганізацыя існавала з канца 1999г.
№26(480), 21.07.2006. Гэтай вясной адразу ў двух беларускіх пісьменьнікаў узьніклі праблемы са здароўем Спачатку інсульт у К. Тарасава. А пасьля разбіральніцтва ў Мінюсце па ліквідацыі Саюзу пісьменнікаў інфаркт здарыўся з Г. Бураўкіным.Зараз пісьменнікі адчуваюць сябе значна лепш. Абодва знаходзяцца на сваіх леціўчах, адпачываюць.
№16(470) 28.04.06 Віцебскі абласны суд 18 красавіка спыніў дзейнасьць ГА Прыватныя ініцыятывы за адсутнасьць юрадрасу: улетку 2005г. у арганізацыі скончылася дамова на арэнду памашкання.
№14(468) 7.04.06 Сьвята Дня беларускай незалежнасьці ў Вільні адзначыла Таварыства беларускай культуры ў Літве.
№6(460) 10.02.2006. 6 лютага Вярхоўны суд ліквідаваў Беларускі саюз моладзевых і дзіцячых грамадскіх абяднанняў Рада.
№ 1(455), 06.01.2006. Гарадзенскі абласны суд 15 сьнежня ліквідаваў ГА Таварыства вышэйшай беларускай школы: яно не прашло перарэгістрацыю.
№ 41 (447), 04.11.2005. 30 кастрычніка ў Менску прайшоў З'езд Таварыства беларускай мовы імя Ф.Скарыны. Напярэдадні арганізатарам мерапрыемства адмовілі ў правядзеньні з'езду ў Доме літаратара ды касьцёле Святых Сымона і Алены. У выніку 128 дэлегатам прыйшлося ўшчаміцца ў цесным офісе Партыі БНФ.
№ 37 (443), 07.10.2005. Берасьцейскі абласны суд 26 верасьня не задаволіў скаргі Валянціна Лазарэнкава й кіраўніка берасцейскай філіі РГА "Беларускі Хельсінкскі камітэт" Ігара Маслоўскага на рашэньне раённага суду: у жніўні іх пакаралі штрафамі за арганізацыю семінару.
№ 34 (440), 16.09.2005. РГА "Беларускі Хельсынскі камітэт" 8 верасьня падало скаргу ў Вышэйшы суд на Кіраўніцтва спраў прэзыдэнта: праваабаронцы скардзяцца, што дэпартамент па гуманітарнай дапамогі Кіраўніцтва спраў не рэгіструе грашовай дапамогі, пераведзенай на БХК зь Міжнароднай Хельсынскай федэрацыі. Матывацыя адмовы ня ўказана.
№ 29 (435), 05.08.2005. Канцэпцыяй першага страшыні СПБ Тадэвуша Гавіна было цеснае супрацоўніцтва з незалежным грамадствам Беларусі, у тым ліку з палітычнымі партыямі. Польскасць у выданні Тадэвуша Кручкоўскага грунтавалася на адмове ад кантактаў з незалежнымі грамадскімі арганізацыямі і цесным кантакце з уладамі. Канцэпцыя Анжалікі Борыс, настаўніцы па прафесіі, акцэнтавала першапачатковую сутнасць СПБ — грамадска-культурную. На яяе думку, Саюзу, як грамадскай арганізацыі трэба захоўваць дыстанцыю ад палітычных працэсаў.
№ 26 (432), 07.2005. 11 ліпеня памежнікі затрымалі намесьніка старшыні Саюзу палякаў Беларусі Юзафа Пажэцкага і галоўнага рэдактара "Magazyn Polski" Андрэя Пачобута. Ім далі папярэджаньне за "парушэньне рэжыму знаходжаньня ў памежнай зоне".
№ 23 (429), 24.06.2005. Віцебскі абласны суд 7 чэрвеня ліквідаваў наваполаці рэсурсавы цэнтар "Усяслаў Чарадзей" — за адсуднасьць юрыдычнага адрасу. 8 чэрвеня ліквідаваная філія ГА "Беларуская арганізацыя працоўных жанчын" у Крычаве ды суполка ГА "Таварыства беларускай мовы" у Шклове.
№ 17 (423), 04.05.2005. РГА "Таварыства беларускай школы" запрашае бацькоў вучняў 8-х — 10-х клясаў 12-гадовай сярэдняй школы (альбо 7-х — 9-х клясаў 11-гадовай школы) на цыкл канферэнцый і сустрэч з адміністрацыяй, выкладчыкамі, вучнямі й бацькамі вучняў зачыненага Нацыянальнага гуманітарнага ліцэю імя Якуба Коласа.
№ 13 (419), 08.04.2005. 13 красавіка а 18 у рамках адзначэння Міжнароднага дня помнікаў і памятных мясцін на гістфаку БДУ (вул.Чырвонаармейская, 6, аўд. № 44) адбудзецца выступ спадара Вадзіма Глінніка, намесніка старшыні Беларускага камітэту Міжнароднай рады па помніках і памятных мясцінах ЮНЭСКО, на тэму "Праблемы захавання мінскай архітэктурнай спадчыны савецкага перыяду".
Інфармацыя на партале не з'яўляецца афіцыйнай пазіцыяй БРГА «Аб'яднаны шлях».
Адміністрацыя партала можа не падзяляць думкі аўтараў размешчаных матэрыялаў.
© БРГА «Аб’яднаны шлях», 2003—2010
Пры выкарыстанні матэрыялаў партала спасылка на крыніцу абавязкова.