Базы дадзеных

Грамадcкія аб’яднанні, Фонды, Праекты, Маніторынг, Прэса

Трэці сектар

Навіны, Мэнэджмэнт, Некамерцыйнае права, Праграмы і конкурсы

Аб'яднаны шлях

Пра нас, Выданні, Праграмы, Лінкі і банеры, Кантакты

ngo.by → Маніторынг беларускай прэсы → Наша ніва

Дні культуры Ірландыі ў Мінску

14.03.11 «Дзіцячы фонд духоўнага і культурнага адраджэння «Сакавік» і Беларускае таварыства дружбы і культурнай сувязі з замежнымі краінамі «Беларусь-Ірландыя» пры падтрымцы пасольства Ірландыі ў Літве і Беларусі, Федэрацыі прафсаюзаў Беларусі праводзяць 17–19 сакавіка 2011 г. Фестываль ірландскай музыкі, танца і тэатра, прысвечаны нацыянальнаму ірландскаму святу — Дню Святога Патрыка.

17 сакавіка, 19.00
Рэспубліканскі палац прафсаюзаў, пр. Незалежнасці, 25.
Урачыстае адкрыццё Дзён культуры Ірландыі, у якім возьме ўдзел пасол Ірландыі ў Літве і Беларусі сп. Філамена Мурнахан. Дабрачынны канцэрт «Ірландскія танцы». Удзельнікі — групы «Бассданс», «Фенікс», «Глорыя», «Грын Хілз», «Кельцкі дракон», «Кейлі Кол».
Сродкі, якія будуць выручаныя ад продажу білетаў, будуць накіраваныя ў Чэрвенскі дом-інтэрнат, дапамогу якому аказваюць ірландскія валанцёры.
 
 
18 сакавіка, 11.30
Факультэт міжнародных адносін Белдзяжуніверсітэта, вул. Акадэмічная, 25.
Сустрэча з ірландскай дэлегацыяй, дырэктарам ірландскай дабрачыннай арганізацыі Лімам О’Мара, аўтарам 3 кніг, прысвечаных Беларусі. На працягу многіх гадоў Лім О’Мара працуе ў Беларусі, арганізоўвае працу ірландскіх валанцёраў і ажыццяўляе рэмонтна-будаўнічыя праекты ў дамах-інтэрнатах, арганізоўвае канвоі з гуманітарнай дапамогай.
18 сакавіка, 19.00
Нацыянальны акадэмічны тэатр імя Янкі Купалы (на сцэне Рэспубліканскага палаца прафсаюзаў).
Спектакль «Translations» («Пераклады») ірландскага драматурга Браяна Фрыла. Рэжысёр-пастаноўшчык — Мікалай Пінігін.
19 сакавіка, 17.00
Мінскі дзяржаўны Палац дзяцей і моладзі, Старавіленскі тракт, 41.
Адкрыты гарадскі фестываль ірландскай культуры «Дзень Святога Патрыка». Удзельнікі — школы ірландскага танца «Бассданс», «Фенікс», «Глорыя», «Грын Хілз», «Кельцкі дракон», музычныя групы «Кейлі Кол», «Эйрут» і іншыя.
Тэлефон для даведак: 8-0293-946204 (Марыя Міцкевіч, старшыня ГА «Сакавік»)
 
15 сакавіка 2011

Маніторынг беларускай прэсы

Праграмы, конкурсы, вучоба
Міністэрства юстыцыі інфармуе
Адказы на пытанні
Некамерцыйнае права

Інфармацыя на партале не з'яўляецца афіцыйнай пазіцыяй БРГА «Аб'яднаны шлях».
Адміністрацыя партала можа не падзяляць думкі аўтараў размешчаных матэрыялаў.

© БРГА «Аб’яднаны шлях», 2003—2010
Пры выкарыстанні матэрыялаў партала спасылка на крыніцу абавязкова.