Стыпэндыя для жанчынаў – журналістак

 “Міжнародная фундацыя жанчынаў, працуючых у СМІ” (IWMF) прымае заяўкі на стыпэндыю імя Элізабэт Нойфэр. Стыпэндыяльная праграма прадугледжвае цягам навучальнага году доступ да рэсурсаў Цэнтру міжнародных дасьледаваньняў Масачусэцкага тэхналягічнага ўнівэрсытэту ды стажыроўку ў газэтах Boston Globe і New York Times.
 
Да ўдзелу запрашаюцца жанчыны–журналісткі друкаваных, анляйн і вяшчальных СМІ, журналісткі–фрылянсэры, якія асьвятляюць тэмы правоў чалавека й сацыяльнай справядлівасьці, маюць ня меньш за 3 гады досьведу працы ў журналістыцы ды вольна валодаюць пісьмовай і вуснай ангельскай мовай.
 
Каб прыняць удзел, неабходна прайсьці рэгістрацыю.
 
Арганізатары кампэнсуюць выдаткі на транспарт, пражываньне, мэдычную страхоўку.
 
Апошні тэрмін падачы заявак: 1 траўня 2015 г.
 
Больш інфармацыі – па спасылцы.
 
Паводле by.odb-office.eu

belngo.info