|
|
Базы дадзеных |
Трэці сектар |
Аб'яднаны шлях |
Дыскусійны праект “Жаночы досвед у грамадcтве і літаратуры”
Месца правядзення дыскусій – кнігарняЎгалерэі (Мінск, пр.Незалежнасці, 37А)
Творчая прастора BYBOOKS, МГА “Згуртаванне беларусаў свету “Бацькаўшчына”
ГА "Саюз беларускіх пісьменнікаў", выдавецкая серыя “Кнігарня “Наша Ніва” прадстаўляюць дыскусійны праект “Жаночы досвед у грамадcтве і літаратуры”
“Жанчыны выходзяць з-пад кантролю” (Кнігарня Наша ніва, 2007) і “Пакахай мяне, калі ласка” (Кнігарня пісьменніка, 2009) – два зборнікі жаночай прозы, падрыхтаваныя незалежнымі выдавецкімі ініцыятывамі.
Што будзем рабіць:
Збіраемся тройчы ў кнігарніЎгалерэі (пр. Незалежнасці, 37А) і размаўляем пра тое, ЧЫМ ЁСЦЬ СУЧАСНАЯ БЕЛАРУСКАЯ ЖАНОЧАЯ ПРОЗА.
Заўсёды з намі – таленавітыя аўтаркі, удзячныя чытачы, цвярозыя крытыкі і тыя, хто хоча ведаць, чаму можа навучыць сваіх і чужых дзяцей жанчына, якая стварае літаратуру.
Як гэта будзе адбывацца:
Першая дыскусія праходзіць сярод літаратурных крытыкаў і літаратуразнаўцаў. Гаворым пра асаблівасці жаночага пісьма як такога і беларускага ў прыватнасці.
Мадэратары: Вольга Гапеева і Ірына Герасімовіч
Дыскусанты: : Ірына Саламаціна, Святлана Калядка, Ігар Бабкоў, Аляксандра Дынько, Барыс Пятровіч
У другой дыскусііўдзельнічаюць актывісткі жаночых рухаў і самотныя змагаркі за правы жанчын. Адказваем на пытанне: ці мяняе гэтая літаратура сучасную беларускую жанчыну, а калі мяняе, то ў які бок. Мадэратары: Аляксандра Дынько і Яўгенія Іванова
На трэцюю дыскусію прыйдуць студэнты-інжэнеры, -псіхолагі і медыкі. Гаворым пра тое, ці цікава гэта ўсё чытаць, і як інтарэс да такой літаратуры залежыць ад прафесіі. Мадэратар: Анатоль Івашчанка
Навошта ўсё гэта трэба:
Каб зразумець, хто гэта піша і хто гэта чытае. Каб даведацца, ці ёсць нешта адметнае у жаночым спосабе пісьма і бачання свету. Каб звесці разам жывых жанчынаў і літаратурных герояў. Каб сустрэцца і сказаць адзін аднаму прыемныя і важныя словы.
Гэта адкрытыя дыскусіі -- ПРЫЙДЗІ І СКАЖЫ СВАЁ СЛОВА!
8 красавіка а 19 гадзіне адбудзецца дыскусія першая: “Kinder – Küche – Kirche – Knihi”
Тэмы для абмеркавання:
- Праблема тэрміналогіі. Жаночая літаратура vs мужчынскай літаратуры
- Зборнікі з удзелам выключна жанчын-аўтарак: ружовае гета ці спроба заявіць пра сябе, зрабіць сябе бачнай.
- Падыходы да вывучэння і аналізу літаратурнай творчасці жанчын: акадэмічная прастора і інстытут крытыкі
Месца правядзення дыскусій – кнігарняЎгалерэі (Мінск, пр.Незалежнасці, 37А)
Кіраўнік праекта:
Аляксандра Дынько,
каардынатар творчай прасторы BYBOOKS
Кантакт:
+375 29 872 26 35
+375 44 754 58 91
skype: alaksandra.dynko
Таццяна Печанко
прэс-сакратар МГА "ЗБС "Бацькаўшчына"
Інфармацыя на партале не з'яўляецца афіцыйнай пазіцыяй БРГА «Аб'яднаны шлях».
Адміністрацыя партала можа не падзяляць думкі аўтараў размешчаных матэрыялаў.
© БРГА «Аб’яднаны шлях», 2003—2010
Пры выкарыстанні матэрыялаў партала спасылка на крыніцу абавязкова.
