Хельсінскі фонд па правах чалавека абвяшчае набор на 18-ую Міжнародную летнюю школу па правах чалавека, якая мае адбыцца ў Варшаве з 23 па 30 чэрвеня. Да ўдзелу ў навучаньні запрашаюцца актывісты праваабарончых арганізацый, навуковыя супрацоўнікі, а таксама прадстаўнікі органаў улады і ўстаноў, дзейнасьць якіх звязаная з правамі чалавека. Патрабаваньні да кандыдатаў: вышэйшая адукацыя альбо навучаньне на апошнім курсе ВНУ; свабоднае валоданьне расейскай альбо ангельскай мовай; -дакументы кандыдатаў, якія раней бралі ўдзел у школах ХФПЧ не разглядаюцца. Лекцыі і практычныя заняткі па гісторыі і філасофіі правоў чалавека, унутраным і міжнародным сістэмам абароны правоў чалавека праводзяць вядомыя прафэсары, навуковыя работнікі і экспэрты ў галіне правоў чалавека і міжнароднага права. Кандыдаты маюць даслаць наступныя дакументы: -фармуляр заяўкі на ўдзел; -рэкамендацыйны ліст з арганізацыі альбо месца працы; -кароткае рэзюмэ. Апошні тэрмін падачы заявак – 15 лютага. Дакументы кандыдатаў прымаюцца па адрасе: Helsinska Fundacja Praw Czlowieka, ul. Zgoda 11, 00-018 Warszawa, POLSKA, альбо эл. поштай: [email protected] . Больш падрабязную інфармацыю і фармуляры заяўкі на ўдзел можна знайсьці на вэб-пляцоўцы: http://www.hfhrpol.waw.pl/ru/ . Падрыхтавала Кася КРОТ ад грамадзкага аб’яднаньня “Цэнтр “Трэці сектар”
|