Кроніка грамадзкага жыцьця Гарадзеншчыны ад грамадзкага аб’яднаньня “Цэнтр “Трэці сектар”

Выпуск 273 ( 10 студзеня 2008 г.)

Змаганьне за беларускамоўнае выхаваньне працягваецца.............… 2

Інфармацыйны дзень Прадстаўніцтва Эўрапейскай камісіі...........… 2

Круглы стол у музэі-аптэцы............................................................… 2

Стажыроўкі ў ЗША па экалягічнай тэматыцы................................… 3

Новыя магчымасьці міжнароднага абмену.....................................… 3

Міжнародная летняя школа па правах чалавека.............................… 4

Міжнародная праграма візытаў......................................................… 4

“Community Connections 2008”........................................................… 4

Фінансаваньне захаваньня культурнай спадчыны..........................… 5

Спабор ад тыднёвіка “Ніва”............................................................… 5

Праграма падтрымкі структур дапамогі інвалідам.........................… 6

Спабор мэтавага фінансаваньня......................................................… 6

Штогадовы спабор прававога эсэ...................................................… 7

V Варшаўская Усходнеэўрапейская канфэрэнцыя.........................… 7

Навучаньне ў Вялікабрытаніі для асьпірантаў і дактарантаў..........… 7

5уверх

На 12 студзеня запланаваная чарговая сустрэча бацькоўскага камітэту па стварэньні беларускамоўных груп у дзіцячым садку з загадчыкам аддзела адукацыі Гарадзенскага выканкама сп. Сяргеем Блажэем.

На сустрэчы бацькі спадзяюцца нарэшце атрымаць узгадненьне рэклямы беларускамоўных груп, якое цягнецца ад 17 сьнежня. Без дазволу на рэкляму набіраць новых дзетак  у групу немагчыма. Затое ў сем’і тых, хто пасьпеў запісацца, наведаўся сьвяты Мікалай з падарункамі для кожнага дзіцяці.

5уверх

Круглы стол, прысьвечаны  дзейнасьці езуітаў у Гарод­ні, ад­быў­ся напрыканцы мінулага году.

Навукова-асьветніцкае мерапрыемства, прымеркаванае да 320-годдзя  гарадзенскай аптэкі-музэя, зладжанае навукова-вытворчым кааператывам “Біятэст” пры падтрымцы курыі Гарадзенскай  рыма-каталіцкай дыяцэзіі.

Мясцовыя навукоўцы, прадстаўнікі ўстановаў культуры, студэнты разважалі пра шматлікія аспэкты працы езуітаў у Гародні.  Кіраўнік НВК «Біятэст» распавёў пра цяжкасьці аднаўленьня пас­ля 46-ці га­до­ва­га перапынку дзейнасьці аптэкі. Экспанаты для аптэкі-музэя зьбіралі ўсім горадам, у асноўным, іх набывалі супрацоўнікі «Біятэсту». Цяпер у аптэцы-музеі   адзіным у краіне музэі такога кшталту – больш за тысячу экспанатаў. Міністэрства Аховы Здароўя разглядае просьбу аб наданьні ёй статуса аптэкі-музея.

Алеся ПАРФЁНЕНКА

5уверх

22 студзеня Прадстаўніцтва Эўрапейскай камісіі ва Украіне і Беларусі ладзіць «Інфармацыйны дзень», прысьвечаны новаму спабору праектаў: «Медыя-праекты па асьвятленьні дзейнасьці Эўрапейскага Зьвязу ў рэгіёнах, дзеяньняў Эўрапейскай палітыкі добрасуседзтва і Эўрапейскай сістэмы супрацоўніцтва і парнэрства» (агульны бюджэт складзе 11,5 млн. эўра).

Да ўдзелу запрашаюцца арганізацыі, установы і кампаніі, якія разглядаюць магчымасьць удзелу ў спаборы. У першую чаргу гэта тычыцца СМІ, медыя-груп, асацыяцый журналістаў, незалежных Інтэрнэт-выданьняў, грамадзкіх арганізацый, агенцтваў і кампаній па грамадзкіх сувязях.

Інфармацыйны дзень ладзіцца з 10 да 12 гадзін у памяшканьні Прадстаўніцтва Эўракамісіі на адрасе: вул. Круглаўніверсытэтська, 10, Кіеў.

Тэрмін рэгістраваньня для ўдзелу - да 15 студзеня.

 Падрабязная інфармацыя – на  http://svetlahorsk.belarda.org/info/abviestki/

5уверх

Стажыроўкі ў ЗША па экалягічнай тэматыцы

                    Абвяшчаецца міжнародны спабор ад EarthCrops на 6-месячныя стажыроўкі ў ЗША для маладых лідэраў.

EarthCrops прапануе трэнінгавы курс у Сіэтле (штат Вашынгтон, ЗША), які аб'яднае маладых лідэраў пад эгідай вывучэньня наступных накірункаў:

 вытрымка экалягічных нормаў, ахова прыроды;

 пабудова эфектыўнай каманды;

 лідарства.

                    EarthCrops забясьпечвае ўсе выдаткі ўдзельнікаў, а таксама будзе выплочваць штомесячную стыпендыю. 

                    Мінімальныя крытэры для кандыдатаў:

 поўны 4-гадовы курс навучаньня ва  ўнівэрсітэце і 1 год практычнага досьведу працы ў сфэры аховы навакольнага асяроддзя, альбо 5 год практычнага досьведу.

  размоўная ангельская мова;

 дакумэнты, што пацьвярджаюць практычны досьвед працы апліканта;

                    Апошні тэрмін падачы анкеты на ўдзел – 31 студзеня.

                    Тэрмін стажыраваньня ў EarthCrops – з 3 чэрвеня да 12 сьнежня.

                    Больш падрабязная інфармацыя знаходзіцца на вэб-пляцоўцы па адрасе:  http://www.earthcorps.org/join_international.php     

                    Паводле рассылкі www.belngo.info   

5уверх

Новыя магчымасьці міжнароднага абмену

Эўрапейская камісія абвясьціла пра стварэньне новай фінансавай сістэмы, якая спрыяе разьвіцьцю абменаў паміж дасьледніцкімі асяродкамі Эўрапейскага Зьвязу і краінаў, што ў яго не ўваходзяць.

 Сістэма мае назву “Міжнародная схема абмену дасьледніцкім персаналам” і фінансуе абмены персаналам дасьледніцкіх арганізацый з дзяржаваў ЭЗ і іншых краін сьвету – у тым ліку Беларусі.

Тэрмін падачы заявак на ўдзел у спаборы - да 28 сакавіка.

Больш падрабязная інфармацыя – на вэб-пляцоўцы па адрасе: http://svetlahorsk.belarda.org/info/abviestki/ .

 Паводле http://svetlahorsk.belarda.org/

5уверх

Хэльсынскі Фонд па Правах Чалавека абвяшчае набор на 19-ую Міжнародную летнюю школу па правах чалавека, якая ладзіцца ў Варшаве-Мядзешыне з 21 па 29 ліпеня  2008 году.

Падрабязную інфармацыю можна знайсьці на вэб-пляцоўцы:

http://www.hfhrpol.waw.pl/pliki/informacjaros.pdf 

Паводле рассылкі www.belngo.info

5уверх

ICTE (Міжнародны Цэнтар Навучаньня Талерантнасьці) прымае заяўкі на ўдзел у Міжнароднай праграме візытаў “Навукоўцы і практыкі ў сфэры навучаньня талерантнасьці”.

Мэта праграмы – падтрыманьне  гатоўнасьці стажораў працаваць з  малой супольнасьцю для прасоўваньня ідэяў  талерантнасьці, правоў чалавека, павагі да разнастайнасьці і сацыяльнай  справядлівасьці.

Апошні тэрмін падачы заяваў – 21 студзеня.

Больш падрабязная інфармацыя разьмешчаная на вэб-пляцоўцы:

 http://www.seedsoftolerance.org/fgp.html 

Паводле рассылкі www.belngo.info

5уверх

Прадстаўніцтва Карпарацыі “American Center for Education and Research, Inc.” Распачало прыём заявак на ўдзел у праграме 22  дзённага побыту ў ЗША для абмену досьведам з амэрыканскімі калегамі  па тэме:

-         Здароўе маці і дзіцяці: паляпшэньне рэпрадукцыйнага здароўя, забесьпячэньне аптымальнага фізычнага і духоўнага разьвіцьця дзіцяці.

 Тэрмін стажыроўкі – 1-22 траўня. Веданьне ангельскай мовы неабавязковае.

Тэрмін падачы заяваў – 8 студзеня-10 лютага 2008 года.

З пытаньнямі зьвяртайцеся да Вольгі Прушак: Прадстаўніцтва Карпарацыі «American Center for Education and Research, Inc.» г. Мінск, пр-т Незалежнасьці 169, п. 512 (поўдзень), тэл.: (017) 2181264, е-mail: .

5уверх

Фінансаваньне захаваньня культурнай спадчыны

Амбасада ЗША абвяшчае правядзеньне спабору ў межах праграмы “Пасольскі Фонд па захаваньні культурнай спадчыны” з мэтай дапамогі ў захаваньні нацыянальнай культурнай спадчыны.

Пасольскі фонд прымае заяўкі на атрыманьне гранта па наступных накірунках:

-Кансэрвацыя і рэстаўрацыя прадметаў і калекцый; стварэньне ўмоваў захаваньня альбо дэманстрацыі экспанатаў і калекцый; навучаньне кансэрвацыі і рэстаўрацыі.

-Кансэрвацыя і рэстаўрацыя археалягічных і гістарычных аб’ектаў, помнікаў і сакральных месцаў; археалягічная разведка, дакументаваньне.

-Кансэрвацыя і рэстаўрацыя вуснай народнай творчасьці, музыкі, танцаў, абрадаў; дакументаваньне і аўдыёзапіс.

Заяўкі прымаюцца на ангельскай і беларускай (рускай) мовах і мусяць складацца наступным чынам:

1.Назва праекта

2.Мэта і задачы

3.Месца рэалізацыі

4.Агульнае апісаньне праекта

5.Час рэалізацыі

6.Абгрунтаваньне важнасьці дадзенага культурнага аб’екта, калекцыі і г.д.

7.Абгрунтаваньне неадкладнасці праекта

8.Дэталёвы бюджэт

9.Інфармацыя аб арганізацыі

10.Рэзюмэ кіраўніка праекта і супрацоўнікаў

11.Іншыя крыніцы фінансаваньня і суфінансаваньня, калі ёсьць.
Апошні тэрмін падачы заявак – да 20 студзеня

Заяўкі прымаюцца па адрасе: вул. Герцэна 2а, г. Мінск, 22030
Аддзел інфармацыі, адукацыі і культуры амбасады ЗША.

Эл.пошта:  [email protected] і [email protected], факс:  (375) 17 211-03-84.

5уверх

Праграмная рада тыднёвіка “Ніва” ладзіць спабор “Памятаем і чытаем”, прысьвечаны 90-ым угодкам абвяшчэньня БНР і 50-й гадавіне заснаваньня ў Беластоку Беларускага літаратурнага аб’яднаньня “Белавежа”.

Пытаньні да спабору:

1. Якія герб і сьцяг былі прыняты Беларускай Народнай Рэспублікай?

2.  Назавіце прозьвішчы і імёны ўсіх былых старшынь Рады БНР.

3. Назавіце гарады, у якіх знаходзіліся сядзібы БНР.

4. Дзе зараз знаходзіцца Рада БНР і хто ёй старшынствуе?

5. Як называецца першы зборнік твораў беларускага літаратурнага аб’яднаньня “Белавежа”, калі пабачыў ён сьвет і пад сыёй рэдакцыяй?

6. Як называліся літаратурныя альманахі аб’яднаньня ў мінулым, а як цяпер? Колькі нумароў выйшла кожнага з іх?

7. Хто цяпер з’яўляецца старшынёй “Белавежы” і дзе ён нарадзіўся? Назавіце ягоныя першыя тры паэтычныя зборнікі на беларускай мове.

8. Назавіце трох “белавежскіх” паэтаў і трох празаікаў ды апошні зборнік кожнага з іх.

9.  Мае разважаньні  (у любым жанры, да 2 старонак машынапісу)на адну з тэм:

–Людзі, падзеі, ідэі БНР учора і сёньня;

-Мой “белавежац” або ягоны твор, які падару блізкім.

Апошні тэрмін прыманьня адказаў – да 5 сакавіка.

Адказы прымаюцца на адрас:

Rada Programowa Tygodnika „Niwa”

15-959 Bia?ystok, ul. Zamenhofa 27
POLAND
tel./fax (+48 85) 743 50 22

5уверх

Праграма падтрымкі структур дапамогі інвалідам

Нямецкі фонд дапамогі інвалідам “Акцыя – Чалавек” ладзіць праграму падтрымкі стварэньня і разьвіцьця базавых структур у Цэнтральнай, Усходняй і Паўднёва-Усходняй Эўропе.

 Мэта праграмы: падтрымка праектаў, накіраваных на рэальнае паляпшэньне умоваў жыцьця людзей з абмежаванымі магчымасьцямі і асаблівымі сацыяльнымі складанасьцямі.

 Заяўкі прымаюцца ад недзяржаўных арганізацый Нямеччыны ў партнэрстве з арганізацыямі ці групамі з іншых краін, у тым ліку Беларусі.

 Тэрміны падачы заявак – да 31 сакавіка, 30 чэрвеня, 30 верасьня, 31 сьнежня штогод.

 Падрабязная  інфармацыя  на вэб-пляцоўцы па адрасе: http://svetlahorsk.belarda.org/info/abviestki/

Паводле http://svetlahorsk.belarda.org/

5уверх

Прадстаўніцтва Хрысьціянскага дзіцячага фонду ў Рэспубліцы Беларусь ладзіць спабор мэтавага фінансаваньня выданьня альбо перавыданьня інфармацыйных матэрыялаў па тэме ВІЧ/СНІД.

Да ўдзелу ў спаборы запрашаюцца  грамадзкія арганізацыі, якія працуюць у сфэры прафіляктыкі СНІДу, дапамогі і падтрымкі групаў рызыкі.

Да разгляду прымаюцца інфармацыйныя матэрыялы, выдадзеныя раней, але актуальныя, альбо падрыхтаваныя да друку дызайн-макеты новых матэрыялаў.

Тэрмін рэалізацыі праекта – да 4 месяцаў ( ад моманту рэгістрацыі ў Дэпартаменце па гуманітарнай дзейнасьці пры Прэзыдэнце Рэспублікі Беларусь). 

Ахвотным да ўдзелу Прадстаўніцтва фонда прадастаўляе ўсе неабходныя дакументы (па пошце альбо асабіста).

Апошні тэрмін прадастаўленьня дакументаў – да 17.00 30 студзеня.

Больш падрабязную інфармацыю і кансультацыі можна атрымаць па тэлефонах: 257-77-08; 257-77-09; 257-59-25; 257-04-94 (Аляксей Галанцоў, Ганна Архангельская, е-mail: .

5уверх

Штогадовы спабор прававога эсэ

Фонд Разьвіцьця Прававых Тэхналёгіяў абвясьціў штогадовы спабор прававога эсэ накіраваны на падтрымку самастойных дасьледваньняў па пытаньнях забеспячэньня й абароны правоў чалавека ў Беларусі.

Працы прымаюцца да 1 сакавіка

 Пытаньні і працы скіроўвайце на эл. адрас:  .

Паводле рассылкі www.belngo.info

5уверх

V Варшаўская Усходнеэўрапейская канфэрэнцыя

Студыюм Эўропы Усходняй абвяшчае аб правядзеньні V Варшаўскай Усходнеэўрапейскай канфэрэнцыі з 15 да 18 ліпеня 2008 года.

Галоўная тэма канфэрэнцыі – пытаньні свабоды і улады ў Эўропе, Расіі, Цэнтральнай Азіі і на Каўказе з 18 стагоддзя да сёньняшняга часу.

 Апошні тэрмін дасланьня прапановаў па тэмах рэфэратаў – 15 сакавіка.

З пытаньнямі зьвяртайцеся на эл. адрас:

Больш падрабязная інфармацыя – на вэб-пляцоўцы:  www.studium.uw.edu.pl

5уверх

Унівэрсытэт у Глазга (Вялікабрытанія) абвяшчае спабор на атрыманьне штогадовых пасьлядыплёмных стыпендый для асьпірантаў і дактарантаў на любым з факультэтаў.

            Заявы на пасьлядыплёмныя стыпендыі Унівэрсытэт прымае ў студзені-сакавіку. Адбор кандыдатаў ладзіцца на факультэтах. Улічваюцца акадэмічныя посьпехі і навуковыя дасягненьні. Форму заяўкі можна атрымаць праз Міждзяржаўную асацыяцыю пасьлядыплёмнай адукацыі па тэл.495 434-24-38.

               Паводле рассылкі Міжнароднай сеткі “Маладая Эўропа”

5уверх