Урачыстасьці на радзіме К.Тызенгаўза..........................................… 2

На Каляды!......................................................................................… 2

Канфэрэнцыя па праблемах адукацыі дарослых............................… 3

Спабор па мадэляваньні гісторыка-культурнай спадчыны............… 3

Спабор для жаночых НГА..............................................................… 3

Другі рэгіянальны кангрэс НДА.....................................................… 4

Спабор ад “Гісторыкі” для маладых аматараў гісторыі.................… 5

Падтрымка дасьледаваньняў у галіне публічнай палітыкі..............… 5

Міжнародны з’езд эўрапейскіх школьных клюбаў........................… 5

Стыпендыяльная праграма Эдмунда Маскі....................................… 5

Дадатковыя магчымасьці падрыхтоўкі лідэраў гурткоў................… 6

Інфармацыйная сустрэча па школьных абменах............................… 6

5уверх

Урачыстае адкрыцьцё памятнай шыльды Канстанціну Тызенгаўзу ладзіцца 18 лістапада на радзіме арнітоляга – ў мястэчку Жалудок, што на Шчучыншчыне.

Сродкі на выраб і ўсталяваньне памятнай шыльды ў гонар заснавальніка беларускай арніталёгіі графа Канстанціна Тызенгаўза (1786-1853) на працягу апошніх двух гадоў зьбіраліся грамадзкім аб’яднаньнем “Ахова птушак Бацькаўшчыны”. Шкіц шыльды быў бясплатна створаны вядомым беларускім мастаком і дызайнэрам Ігарам Варкулевічам.

Сакратарыят АПБ арганізуе бясплатны даезд з Менску і Гародні да м.Жалудок. Па ўрачыстасьцях плянуецца замовіць недарагі абед у рэстаране Шчучына, які будзе аплочвацца самастойна.

Усіх ахвотных да ўдзелу ў імпрэзе просім зьвярнуцца да арганізатараў:

Сакратарыят АПБ, Менск: тэл. (0172) 263-01-30 (Віктар Фенчук), e-mail: ; Гарадзенскае абласное аддзяленьне АПБ, Гародня (0152) 730-118 (Дзьмітры Вінчэўскі), e-mail: .

Больш падрабязная інфармацыя будзе разьмешчаная на вэб-пляцоўцы Грамадзкага аб’яднаньня “Ахова птушак Бацькаўшчыны”: www.ptushki.org .

5уверх

На Каляды!

Ствараецца ініцыятыўная група па падрыхтоўцы супольнага сьвяткаваньня Калядаў!

Летась намаганьнямі невялікай групы энтузыястаў было зладжана беларускае Навагодняе сьвята для дзетак з беларускамоўных сем’яў. Сёлета, акрамя забаўляльнай праграмы для дзетак, хочам наладзіць сьвята для дарослых, а таксама калядаваньне па дамах.

Арганізацыяй Калядаў сёлета займаецца ўсё тая ж група добраахвотнікаў.

            Наша мэта – уласнымі намаганьнямі падрыхтаваць сьвята для сябе і нашых дзетак.

Калі Вам цікавыя беларускія калядныя звычаі, калі Вы хочаце жыць актыўна, а не марнаваць час перад тэлевізарам – далучайцеся!

Усіх зацікаўленых просім зьвяртацца да Ігара Кузьмініча па тэлефонах: 629 92 13 альбо 868 98 82.

5уверх

Канфэрэнцыя па праблемах адукацыі дарослых

Канфэрынцыя “Адукацыя дарослых: нацыянальны і агульнацывілізацыйны кантэкст” ладзіцца 20-21 сьнежня.

            Да абмеркаваньня прапанаваныя асноўныя пытаньні:

Адукацыя дарослых у сучасным грамадзтве: значнасьць, тэндэнцыі і перспектывы разьвіцьця;

Сацыяльнае партнэрства ў галіне адукацыі дарослых;

Традыцыі асьветніцтва і адукацыя дарослых;

Удасканаленьне адукацыйных тэхналёгій, інавацыйныя методыкі адукацыі дарослых;

Міжнародны досьвед арганізацыі адукацыі дарослых. Інфармацыйны абмен у сфэры адукацыі дарослых.

Сярод арганізатараў – Нацыянальная акадэмія навук Беларусі, Міністэрства адукацыі РБ, таварыства “Веды”.

Для ўдзелу ў працы канфэрэнцыі неабходна даслаць заяўку і тэзісы выступу на дыскеце і ў друкаваным выглядзе.

Апошні тэрмін – да 15 лістапада.

Працоўныя мовы: беларуская, руская, замежныя ў перакладзе.

Усе выдаткі па праездзе, пражываньні і харчаваньні аплочваюцца ўдзельнікамі самастойна.

Больш падрабязную інфармацыю можна атрымаць у аргкамітэце па адрасе: 220005, Менск, праспект Незалежнасьці, 44, Беларускае таварыства "Веды", тэл.: (+37517)2881094, 2848582.

5уверх

Спабор па мадэляваньні гісторыка-культурнай спадчыны

Распачаты міжнародны спабор па мадэляваньні культурна-гістарычнай спадчыны.

Спабор дае магчымасьць студэнтам і маладым спецыялістам ня толькі праявіць свой талент, але і спрычыніцца да захаваньня гісторыка-культурнай спадчыны Беларусі.

У якасьці аб’ектаў прапануюцца помнікі трох тыпаў (па складанасьці):

1) Мірскі замак, Царква ў Сынкавічах, Ратуша ў Магілёве
2)Каложская царква, Кальвінскі збор у Заслаўі
3) Белая Вежа, Замкавая вежа, Лямус манастыру брыгітак у Гародні

Рэгістрацыя ўдзельнікаў – да 20 лістапада.

Эскізы прымаюцца да 25 лістапада.

Больш падрабязная інфармацыя – на вэб-пляцоўцы: http://forum.cgtalk.by/showthread.php?t=3676 .

5уверх

Спабор для жаночых НГА

Украінскі жаночы фонд абвяшчае спабор грантаў для жаночых арганізацый Украіны, Беларусі і Малдовы.

Мэта спабору: спрыяньне дзейнасьці жаночых арганізацый, накіраванай на абарону правоў жанчын і прасоўваньне іх інтарэсаў.

Падтрымліваюцца праекты па ўмацаваньні эканамічных магчымасьцяў жанчын.

Да ўдзелу запрашаюцца жаночыя арганізацыі, якія працуюць ня меньш за 2 гады,

маюць досьвед рэалізацыі праектаў эканамічнага накірунку.

 Тэрмін рэалізацыі праекта – 6 месяцаў.

Апошні тэрмін падачы праектаў – 30 лістапада.

Больш падрабязную інфармацыю можна атрымаць на вэб-пляцоўцы: http://www.uwf.kiev.ua у разьдзеле «Конкурсы», а таксама па тэл.: +38 (044) 568 53 89

альбо эл. пошце: [email protected] (Ганна Кананенка).

                                                                                                                                        5уверх

Другі рэгіянальны кангрэс НДА

5-27 лістападу ў Кіеве ладзіцца Другі рэгіянальны кангрэс НДА

Мэта Кангрэсу  стварэньне плятформы для абмеркаваньня лідэрамі буйных нацыянальных няўрадавых арганізацыяў ролі НДА у працэсах разьвіцьця дэмакратыі, разгляд магчымасьцяў й пэрспэктывыў рэгіянальнага супрацоўніцтва, выпрацоўка рэзалюцыі й рэкамэндацыяў для дзейнасьці НДА у рэгіёне.

               Плянуецца абмеркаваньне двух тэматычных блёкаў:

1. "Роля НДА у працэсе разьвіцьця й кансалідацыі дэмакратыі";

2. "Рэгіянальнае супрацоўніцтва НДА: праблемы й пэрспэктывы".

               У кангрэсе возьмуць удзел:

лідэры буйных няўрадавых арганізацыяў зь Беларусі, Украіны, Расеі й Польшчы (125 удзельнікаў);

лідэры НДА з Азэрбайджану, Арменіі, Грузіі, Малдовы, краінаў Балтыйскага рэгіёну і Славаччыны (15 удзельнікаў);

прадстаўнікі Рады Эўропы;

міжнародныя экспэрты;

СМІ.

               Апошні тэрмін падачы заявак на ўдзел – 8 лістапада (сёньня).

               З пытаньнямі зьвяртайцеся на эл. адрас: альбо вэб-пляцоўку: http://www.parlament.org.ua.

               Дадатковая інфармацыя і ўмовы ўдзелу знаходзяцца на вэб-пляцоўцы Кангрэсу: www.ngocongress.kiev.ua. 

               Паводле рассылкі belngo.info

5уверх

5уверх

Спабор ад “Гісторыкі” для маладых аматараў гісторыі

Маладзёвае Грамадзкае аб’яднаньне “Гісторыка” абвяшчае спабор праектаў “Легенда для помніка”.

Мэта спабору – прыцягненьне ўвагі грамадзкасьці да гістарычных аб’ектаў, прыцягненьне моладзі да вырашэньня праблемы аховы помнікаў і захаваньня гістарычнай спадчыны.

Да ўдзелу запрашаюцца навучэнцы сярэдніх навучальных установаў (школ, пачынаючы з 6 класа, ліцэяў, гімназій, а таксама каледжаў, ПТВ, тэхнікумаў) і студэнты малодшых курсаў вышэйшых навучальных установаў, не старэйшыя за 21 год.

             Апошні тэрмін адсылкі прац – 15 сьнежня.

Больш падрабязную інфармацыю пра ўмовы ўдзелу ў спакборы можна знайсьці на вэб-пляцоўцы http://historyka.org  .

5уверх

            Падтрымка дасьледаваньняў у галіне публічнай палітыкі

Беларускі фонд публічнай палітыкі (БФПП) ў супрацоўніцтве з Беларускім інстытутам стратэгічных дасьледаваньняў абвяшчае спабор малых грантаў у межах праграмы сістэматычнай падтрымкі дасьледаваньняў у галіне сацыяльных, палітычных і эканамічных навук.

            Праекты на ангельскай альбо расейскай мове прымаюцца па эл. адрасе:

Апошні тэрмін падачы праектаў – да 15 лістапада.

Больш падрабязная інфармацыя – на вэб-пляцоўцы www.belinstitute.eu .

5уверх

Міжнародны з’езд эўрапейскіх школьных клюбаў

22-25 лістапада ў Варшаве мае адбыцца міжнародная сустрэча Эўрапейскіх Школьных Клюбаў (ЭШК), якую праводзіць Польская фундацыя імя Робэрта Шумана.

            Да ўдзелу ў сустрэчы запрашаюцца ўсе ЭШК у складзе аднаго настаўніка і двух

 вучняў ва ўзросьце 14-19 год з кожнай школы. Першымі будуць зарэгістраваныя

 школы, якія заявяцца разам са сваім замежным партнэрам.

Працоўная мова з'езду  ангельская.

Дадатковая інфармацыя, форма заяўкі і праграма  на вэб-пляцоўцы: http://www.schuman.org.pl/modules.php?op=modload&name=Sections&op=viewarticle&artid=559

Паводле рассылкі belngo.info

5уверх

            Стыпендыяльная праграма Эдмунда Маскі

Дзярждэпартамэнт ЗША абвесьціў спабор на ўдзел у праграме стыпэндыяў

 Эдмунда Маскі на 2008 год.

У межах праграмы фінансуецца навучаньне па спецыяльнасьцях: кіраваньне бізнэсам, эканоміка, юрыспрудэнцыя, дзяржаўнае кіраваньне і дзяржаўная палітыка, адукацыя, кіраваньне прыроднымі рэсурсамі, міжнародныя адносіны, журналістыка і сродкі масавай інфармацыі, бібліятэчная справа і інфармацыйныя тэхналёгіі ў бібліятэчнай справе, дзяржаўнае кіраваньне, ахова здароўя.

            Анкеты для ўдзелу, а таксама дадатковую інфармацыю можна знайсьці на вэб-пляцоўках IREX www.irex.org і www.irex.ru .

Паводле рассылкі belngo.info

5уверх

Дадатковыя магчымасьці падрыхтоўкі лідэраў гурткоў

Рэсурсная праграма навучальных гурткоў ладзіць спабор заявак на арганізацыю дадатковых сэмінараў па падрыхтоўцы лідэраў навучальных гурткоў.

            Рэсурсная праграма мае магчымасьць аплаціць арганізацыйныя выдаткі, а таксама двухдзённую працу 2 трэнераў з ліку сябраў арганізацыі-заяўніцы (магчымы удзел спэцыялістаў Рэсурснай праграмы).

            Заяўкі прымаюцца да 15 лістапада.

            Заяўкі дасылайце на эл.адрас:

5уверх

Інфармацыйная сустрэча па школьных абменах

1 сьнежня ў Менскім Міжнародным Адукацыйным цэнтры ладзіцца  дзень інфармацыі аб праграме Europeans for Peace фонда “Памяць, адказнасьць і будучыня”.

            Да ўдзелу запрашаюцца ўсе зацікаўленыя арганізацыі і школы з Беларусі.

            Пра ўдзел у сустрэчы неабходна паведаміць да 17 лістапада на тэлефон: +49 (0)30 3151 7477, факс +49 (0)30 3151 7471  (Бэрлін) альбо эл. адрас .

Інфармацыя пра праграму Europeans for Peace разьмешчаная на вэб-пляцоўцы

www.europeans-for-peace.de

5уверх