Старшынёй таварыства быў абраны рэктар Акадэмii кiравання пры Прэзiдэнце Рэспублiкi Беларусь Анатоль Маразевiч. У Акадэмii ўжо пачалi складвацца партнёрскiя сувязi з роднаснай вышэйшай навучальнай установай — школай планавання пры мiнiстэрстве планавання i развiцця Венесуэлы. У склад новай арганiзацыi ўвайшло шмат вядомых у краiне людзей. Яны на сходзе выказалi намер сур’ёзна працаваць з грамадскасцю Венесуэлы. Невыпадкова намеснiкам старшынi таварыства быў выбраны генеральны дырэктар "Гарызонта" Юрый Прадко. Яго вялiкi арганiзатарскi вопыт будзе вельмi да месца.

Вядомы навуковец, ганаровы старшыня Мiжнароднай асацыяцыi беларусiстаў Адам Мальдзiс мае свой iнтарэс да гэтай краiны. Ён моцна разлiчвае на тое, што членства ў таварыстве дапаможа яму знайсцi звесткi аб двух беларускiх лiтаратарах, якiх лёс закiнуў у Венесуэлу. Даследчык спадзяецца адшукаць архiвы гэтых пiсьменнiкаў. Дырэктар Нацыянальнай бiблiятэкi Раман Матульскi выказаў надзею, што яго ўдзел у рабоце таварыства дазволiць папоўнiць фонды бiблiятэкi лiтаратурай i iнфармацыяй аб Венесуэле.

Як адзначыла старшыня БелТД Нiна Іванова, у мiнскiм Доме дружбы ў чэрвенi пройдуць Днi Венесуэлы, прысвечаныя 197-й гадавiне абвяшчэння незалежнасцi гэтай краiнай. Пасол Венесуэлы ў Беларусi Амерыко Дзiяс Нуньес шчыра вiтаў членаў таварыства. Ён паабяцаў аказваць яму ўсямерную падтрымку. Мiж iншым, ён паведамiў, што пасольства мяркуе неўзабаве адкрыць у Мiнску свой дом, дзе будуць ладзiцца розныя мерапрыемствы. Нагадаем, у БелТД уваходзяць шэсць абласных аддзяленняў, Мiнская гарадская арганiзацыя, 36 таварыстваў дружбы з асобнымi краiнамi. Таварыства "Беларусь—Венесуэла" стала 37-й такой грамадскай арганiзацыяй.