“Твой стыль” у эфіры!....................................................................… 2

“Наша ніва” ў Гародні.....................................................................… 2

Гісторыя вывучэньня ВКЛ: новыя дасьледваньні..........................… 2

Новы слоган Беларускай рэдакцыі Польскага радыё.....................… 3

“БелАрда” прыйшла да нас.............................................................… 3

“Хатняе заданьне” выканана...........................................................… 4

“Filmowe Podlasie Atakuje”...............................................................… 4

Праграма падтрымкі Беларусі запрашае.........................................… 5

Спабор для моладзевых арганізацый.............................................… 6

Спабор на лепшы лягатып “Басовішча-2007”.................................… 6

Прэміі маладым беларусістам.........................................................… 6

Моладзевы форум 2007...................................................................… 7

Спабор для маладых журналістаў Гарадзеншчыны.......................… 8

Спабор для журналістаў грамадзкіх лякальных СМІ.....................… 8

“Твой стыль” у эфіры!

Выйшаў першы выпуск моладзевага інтэрнэт-радыё “Твой стыль”.

Гарадзенская моладзь кажа пра апошнія грамадзка-палітычныя, культурныя і спартыўныя падзеі мінулага тыдня, размаўляе з гарадзенскім гуртом Death Bringer — лідэрам амэрыканскага гіт-параду. У рубрыцы PROfStyle ты даведаешся, што значыць быць радыёвядучым. Нашым вядучым можаш стаць і ТЫ, калі маеш ідэі і жаданьне! Далучайся! І будзь на хвалі “Твайго Стыля”!

Нас можна знайсьці на вэб-пляцоўцы па адрасе: http: www.t-styl.info .

5уверх

“Наша ніва” ў Гародні

23 сакавіка ў Гародні пры інфармацыйнай падтрымцы моладзевага інтэрнэт-праекта “Твой Стыль” www.t-styl.info мае адбыцца сустрэча з рэдактарамі  легендарнай газэты “Наша Ніва”.

Гаворка пойдзе пра гарачыя тэмы нашага жыцьця. Таксама будуць прэзэнтаваныя сакавіцкі нумар “ARCHE” і новая кніга Андрэя Дынька і Андрэя Скурка “Беларусь за дзесяць падарожжаў”. Сьпявае Тацяна Беланогая.

Сустрэча адбудзецца ў памяшканьні грамадзкай прыёмнай АГП (былая майстэрня Іваноўскага) па вул. Будзёнага 48а.

Пачатак сустрэчы а 19-ай гадзіне.

5уверх

Гісторыя вывучэньня ВКЛ: новыя дасьледваньні

Убачыў сьвет зборнік навуковых артыкулаў, прадстаўленых на міжнародным круглым стале “Гісторыя вывучэньня Вялікага княства Літоўскага ў 1991-2003 гг.”.

У працы круглага стала, зладжанага з ініцыятывы Гарадзенскага абласнога грамадзкага аб’яднаньня маладых навукоўцаў “ВІТ” у траўні 2003 года, бралі ўдзел навукоўцы пяці краінаў-спадкаемніц ВКЛ – Беларусі, Польшчы, Літвы, Україны, Расіі.

 Матэрыялы дасьледаваньняў навукоўцаў кожнай з краінаў-удзельніц прадстаўлены ў зборніку. Акрамя таго, у зборнік увайшлі сценаграмы дыскусій, што адбываліся па выступе кожнай з краін-удзельніц, унікальную гістарыяграфію па вывучэньні ВКЛ апошніх год і вялікі бібліяграфічны спіс, які ўтрымлівае больш за 2000 найменьняў.

Плёнам працы круглага стала ёсьць таксама стварэньне Акадэмічнай сеткі  гісторыкаў Вялікага княства Літоўскага, у якую ўвайшлі навукоўцы краінаў-спадкаемніц ВКЛ.

Выданьне працягвае серыю “Гістарычная бібліятэка ВІТ”. Яно разьлічанае на гісторыкаў, выкладчыкаў, студэнтаў і ўсіх тых, хто цікавіцца гісторыяй.

Нажаль, матэрыялы круглага стала выдадзены мізэрным накладам: 200 асобнікаў.

За больш падрабязнай інфармацыяй зьвяртайцеся да Натальлі Сьліж

 па тэл.:781 07 09.

Кася КРОТ

5уверх

Новы слоган Беларускай рэдакцыі Польскага радыё

Падсумаваныя вынікі спабору на лепшы слоган для Беларускай рэдакцыі Польскага радыё для замежжа.

Сярод некалькіх дзясяткаў прапановаў з усёй Беларусі лепшымі прызнаныя дэвізы Дануты Крупіцы зь Ліды (Гарадзеншчына), Бярнарда Пакульніцкага з Гарадзеі (Меншчына) і Сяргея Міхальчэнкі з Горадні. 

Арганізатары спабору неўзабаве вышлюць прызэрам каштоўныя падарункі. Апроч таго, цікавыя сувэніры атрымаюць яшчэ пяць удзельнікаў спабору з розных абласьцей Беларусі.

Паводле belngo.info

5уверх

                Чарговы партал  распачаў сваю працу ў Гародні.

Створаная яшчэ ў канцы лютага, вэб-пляцоўка http://hrodna.belarda.org/ афіцыйна распачала сваю працу толькі 19-га сакавіка. Гэта ўжо трэці партал у абласным цэнтры, які прэзэнтуе сябе, як “сайт рэгіянальных навінаў”, аднак ён не абмяжоўваецца навінамі Гарадзеншчыны. На сайце Belarda.org: Бабруйск, Барысаў, Белаазёрск, Гарадок, Глыбокае, Горкі, Гродна, Светлагорск. Менавіта гэтыя гарады вылучаныя стваральнікамі праекта ў так званае “Кола рэгіянальных навінаў”.

Дызайнэрам праекта стаўся вядомы гарадзенскі дызайнэр unutranyholas –першы стваральнік Гарадзенскага блогу.

 Канцэптуальна новы сайт падобны на гарадзенскі партал http://hrodna.by,  які таксама прадстаўляе ня толькі мясцовыя, але і агульнабеларускія навіны.

            Андрэй МЯЛЕШКА

5уверх

                Спабор на лепшы фотаздымак пад назвай "Хатняе заданьне №1" , абвешчаны да дня нараджэньня Гарадзенскага форума, выйграў  малады гарадзенскі фатограф Аляксандр Саяновіч. Ён атрымаў апарат  Nikon L4, праспансаваны салонам фотатэхнікі “Гагарын” .

Вынікі спабору падсумаваныя галасаваньнем наведнікаў на Гарадзенскім форуме літаральна ўчора. За фотаздымак Аляксандра Саяновіча прагаласавалі  52 удзельнікі,  за фота,  якое заняло 2-е месца – 34 чалавекі.

На фотаздымку-пераможцы – дзеці, сфатаграфаваныя ў дзіцячым доме пад час акцыі дапамогі дзіцячаму дому  “ Помощь детям”.

            Спабор доўжыўся больш за месяц, яго інфармарцыйнымі спонсарамі былі Гарадзенсі форум  http://forum.grodno.net/ і адзін з гарадзенскіх блогаў http://s13.ru/.

Андрэй МЯЛЕШКА

5уверх

“Filmowe Podlasie Atakuje”

Чарговая прэзэнтацыя незалежнага кіно паўднёва-ўсходняй  Польшчы  адбылася 9 сакавіка ў Гародні ў межах ініцыятывы “Filmowe Podlasie Atakuje”.

Паказ быў арганізаваны Беластоцкім Цэнтрам Культуры  і Падляскімі фільмоўцамі-аматарамі ў партэрстве з Гарадзенскім аддзяленьнем Таварыства Беларускай Школы.

Пад час прэзэнтацыі гарадзенскія гледачы маглі ўбачыць рознажанравае кіно, прадстаўленае маладымі творцамі Польшчы. Гэта былі як фільмы-дыпляманты агульнапольскіх фэстываляў, так і камерныя творы, створаныя для вузкага кола знаёмых і гледачоў.

Паказ фільмаў ініцыятывы адбыўся ўжо ў 50 гарадах і мястэчках Польшчы, а таксама Беларусі, Летувы, Украіны, Чэхіі і Нямеччыны.

Алеся БЯЛЕНІК

                                                                                                            5уверх

         Праграма падтрымкі Беларусі запрашае

4 красавіка прадстаўнікі  грамадзкіх арганізацый Гарадзеншчыны запрашаюцца да ўдзелу ў сэмінары “Падрыхтоўка праектных прапановаў для 4-га этапа нямецкай Праграмы падтрымкі Беларусі”.

У праграме сэмінара:

-Уводзіны ў ключавыя паняцьці праектнага мэнэджмэнту;

-Прадстаўленьне мэтаў і прыярытэтыў праграмы;

 -Знаёмства з патрабаваньнямі па афармленьні праектных заявак;

-Прапрацоўка і абмеркаваньне асноўных кампанэнтаў заяўкі, а таксама асноўных крытэраў адбору.

Для ўдзелу ў сэмінары неабходна даслаць анкету-заяўку на эл. адрас: альбо па факсе:  8 017 200 31 82.

Апошні тэрмін падачы заяўкі – 28 сакавіка. 

Арганізатары пакідаюць за сабой права адбору ўдзельнікаў. Крытэры адбору:

-рэгістрацыя і дзейнасьць на тэрыторыі Гарадзенскай вобласьці

-не больш за 1 прадстаўніка ад адной арганізацыі

-адсутнасьць досьведу рэалізацыі праектаў ў межах ППБ.

Сэмінар мае адбыцца ў Гародні. Пачатак працы а 10 гадзіне.

Бланк анкеты-заяўкі глядзі ў далучаным файле.

5уверх

Спабор для моладзевых арганізацый

Сусьветны банк і кампанія NOKIA запрашаюць моладзевыя грамадзкія арганізацыі і іх партнэраў прыняць удзел у спаборы праектаў, накіраваных на падтрымку ініцыятываў, зьвязаных з працаўладкаваньнем моладзі і ўдзелам моладзі ў разьвіцьці краін Рэгіёну.

Памер магчымых грантаў – 5000-10000 эўра.

Апошні тэрмін падачы заяўкі – 8 красавіка 2007г.

Заяўку неабходна даслаць па эл. пошце: . Заяўку неабходна даслаць на англійскай мове.

Форму заяўкі і дадатковую інфармацыю пра спабор глядзіце, калі ласка, на вэб-пляцоўцы: www.worldbank.org/childrenandyouth.

Падрыхтавала Алеся Бяленік

5уверх

Абвешчаны спабор на лепшы лягатып музычнага фэсту “Басовішча-2007”.

Лягатып мусіць быць адаптаваны да трох відаў традыцыйнай прадукцыі на “Басовішчы”: плякат, майка, значак. Вiтаецца адаптацыя лягатыпу як да лацiнкi, так i да кiрылiцы.

Працы прымаюцца ў вектарным фармаце (cdr, ai, eps) да 20 красавiка на адрас: biuro@basowiszcza.

Аўтар лепшага лягатыпу атрымае прыз у 650 злотых (каля 200 даляраў).

Узнагароджаньне пераможцы спабору адбудзецца непасрэдна на «Басовiшчы-2007».

5уверх

Прэміі маладым беларусістам

Паўночнаамерыканская асацыяцыя беларусістычных даследаваньяў сумесна з сям'ёй Кіпеляў паведамляюць  аб заснаваньні прэміі ($100) за дасьледаваньні ў беларусістыцы для студэнтаў і асьпірантаў.

Да разгляду прымаюцца неапублікаваныя працы памерам ня меньш за 15 старонак (праз 2 інтэрвалы), напісаныя ў 2004–2007 гг. Ахвотныя да ўдзелу маюць даслаць 3 асобнікі сваёй працы  на наступны адрас:

Dr. Curt Woolhiser

Harvard University of Slavic Languages and Literatures

Barker Center 327, 12 Quincy St.

Cambridge, MA 02138-3804

Працы прымаюцца да 1 чэрвеня.

Пераможцы будуць вызначаныя ўвосень 2007 года.

Больш падрабязную інфармацыю можна знайсьці на вэб-пляцоўцы па адрасе: www.belarusianstudies.org .

5уверх

Моладзевы форум 2007

Студэнцкая арганізацыя "RePublica" Інстытута міжнародных адносінаў і паліталёгіі Віленскага універсітэта запрашае да ўдзелу ў міжнародным моладзевым форуме.

Форум мае адбыцца ў Вільні з 10 па 12 траўня.

Мэта мерапрыемства  — садзеяньне ўзаемаразуменьню і цеснаму супрацоўніцтву паміж навуковай моладдзю Эўразьвяза і ўсходнімі суседзямі.

Да ўдзелу запрашаюцца грамадзяне Арменіі, Азэрбайджана, Беларусі, Эстоніі, Францыі, Грузіі, Германіі, Латвіі, Літвы, Малдовы, Польшчы, Расіі, Швэцыі, Украіны т Аб’яднанага Каралеўства.

Кандыдаты мусяць даслаць заяўку на е-mail:  альбо Fax: +370 5 251 41 34 альбо на паштовы адрас: Corp! RePublica

Vokieciu str. 10-403,

LT-01130 Vilnius, Lithuania

Апошні тэрмін падачы заяўкі – 9 красавіка.

Форму заяўкі можна знайсьці на вэб-пляцоўцы па адрасе: www.ngo.by .

Паводле www.ngo.by

5уверх

Спабор для маладых журналістаў Гарадзеншчыны

Грамадзкія аб’яднаньні “Цэнтр “Трэці Сэктар” і “Беларуская Асацыяцыя Журналістаў” абвяшчаюць спабор для маладых журналістаў “Твой стыль”.

Да ўдзелу ў спаборы запрашаюцца аўтары-пачаткоўцы альбо маладыя журналісты з Гарадзеншчыны са стажам працы ня болей за 1 год.

Пераможцы будуць вызначаныя па наступных жанравых намінацыях:

-                     “Твой стыль” – найлепшае інтэрвію зь цікавай асобай;

-                     “Пакаленьне NEXT” – найлепшы рэпартаж (прымаюцца таксама відэарэпартажы), артыкул, які адлюстроўвае штодзённае жыцьцё моладзі;

-                     “Сьвет вачыма маладых” – найлепшае фота (будуць разглядацца ня больш за 3 фотаздымкі ад удзельніка);

Матэрыялы мусяць быць новымі, цікавымі і актуальнымі.

Прымаюцца працы ўжо надрукаваныя ў мясцовых СМІ ( цягам 2007 года), а таксама толькі падрыхтаваныя да друку.

Чакаем вашых матэрыялаў да 20 красавіка.

Матэрыялы прымаюцца па адрасе:

г. Гродна, вул. Будзённага 48а/11, 230000 альбо на e-mail: з пазнакай “Спабор”.

Пераможцы будуць абраныя журы, у склад якога ўвойдуць аўтарытэтныя беларускія журналісты.

Пра вынікі спабору стане вядома да 2 траўня.

Урачыстая цырымонія ўзнагароджаньня адбудзецца ў Гародні ў межах Фэсту Моладзевай Журналістыкі “Твой Стыль”, які пройдзе сёлета ў траўні.

5уверх

Эўрапэйскi дом сустрэч — Фонд "Новы стаў" запрашае да ўдзелу ў спаборы для журналiстаў грамадзкiх СМІ ў межах праекта "Грамадзкiя медыi Эўрарэгiёну Буг".

Спабор прызначаны для журналiстаў i асобаў, што працуюць у Польшчы i Беларусi над выданьнем лякальных газэтак i бюлетэняў і заангажаваныя ў падтрымку грамадзкiх iнiцыятываў, бяруць удзел у грамадзкiм жыцьцi.

Апошні тэрмін дасыланьня прац – 15 красавiка.

Працы дасылаць па электроннай пошце на адрасы: ,  (Журналiсцкi спабор "грамадзкiя медыi Эўрарэгiёну Буг", Konkurs dziennikarski "Media obywatelskie Euroregionu Bug").

Больш падрабязную інфармацыю пра спабор глядзi на www.dzedzich.org;