Кроніка грамадзкага жыцьця Гарадзеншчыны

ад Грамадзкага аб’яднаньня “Цэнтр “Трэці сектар”

а/с 54, Гародня, 230009,

тэл./факс (0-152) 96-74-78,

e-mail:

www: sektar.cjb.net

19.11.2004 г.

“Кроніка грамадзкага жыцьця Гарадзеншчыны” зьяўляецца дадаткам да часапісу “Трэці сэктар”.

Дадатак дасылаецца па сьпісах рассылкі інфармацыі для НГА Беларусі.

У “Кроніцы” выкарыстоўваецца інфармацыя ўласных карэспандэнтаў “ТС”, а таксама інфармацыя з гарадзенскіх СМІ і іншых даступных нам крыніц інфармацыі.

Пры выкарыстаньні нашай інфармацыі спасылка на “Кроніку” і яе карэспандэнтаў абавязковая.

***

  Абвесткі

Рэабілітацыя для нарказалежных

З 16 лістапада 2004 году распачаў сваю працу кругласуткавы стацыянар па рэабілітацыі нарказалежных у Рэабілітацыйным цэнтры “Ступені” (Чарнігаў, Украіна).

Паслугі для ВІЧ+ (пазытыўных) наркаманаў (у тым ліку зь Беларусі) – бясплатныя.

Больш падрабязную інфармацыю можна атрымаць па тэлефоне ў Чарнігаве: +38-046-2166515.

Лана РУДНІК

Бяз гвалту

ЮНІФЭМ СНД запрашае ўсе зацікаўленыя арганізацыі ўзяць ўдзел у міжнароднай кампаніі “16 дзён бяз гвалту”.

Гэтая кампанія была ініцыяваная Першым Інстытутам жаночага глябальнага лідэрства ў 1991 годзе і праводзіцца штогод па ўсім сьвеце ў пэрыяд з 25 лістапада па 10 сьнежня.

Гэтым разам кампанія ладзіцца пад лёзунгам: “Дзеля здароўя жанчын, дзеля здароўя нацыі: “не” гвалту!”.

Больш падрабязная інфармацыя на сайце http://www.nasilie.net/.

Лана РУДНІК

Канфэрэнцыя па гендэрнай роўнасьнасьці

ГА “Жаночы Незалежны дэмакратычны Рух” запрашае да ўдзелу ў канфэрэнцыі “Разьвіцьцё партнэрства дзеля рэалізацыі палітыкі гендэрнай роўнасьці ў Рэспубліцы Беларусь”, якая адбудзецца ў Менску 11 сьнежня 2004 году.

Канфэрэнцыя адбудзецца па адрасе: Менск, пр-т газэты Праўда, 11. Іншагароднім ўдзельнікам будуць транспартныя выдаткі будуць кампэнсаваныя.

Ахвотнікі павінны даслаць заяву да 1 сьнежня па факсу: (017) 272-20-98; або на е-mail: [email protected].

Дадатковую інфармацыю і форму заявы можна атрымаць, зьвярнуўшыся па тэл. (017) 272-20-98, (029) 6210710.

Падрыхтавала Лана РУДНІК

Зімняя школа ў Варшаве

Гельсынская Фундацыя па правох чалавека арганізуе 19-26 лютага 2005 году ў Варшаве Міжнародную зімнюю школу па правох чалавека.

Фундацыя кампэнсуе транспартныя выдаткі ў абодва бакі. Таксама ўдзельнікам будзе забясьпечанае пражываньне, харчаваньне і мэдычная страхоўка. Удзел у Школе бясплатны пры ўмове наведваньня ўсіх заняткаў.

Аввотнікі да ўдзелу павінны даслаць па факсу ці электроннай пошце заяву на ўдзел, кароткую аўтабіяграфію і рэкамэндацыйны ліст ад арганізацыі.

Апошні тэрмін падачы заяваў – 15 сьнежня 2004 году. З усіх заяўнікоў будуць адабраныя 50 удзельнікаў. Пра вынікі адбору арганізатары абяцаюць паведаміць да 20 студзеня 2005 году.

Дадатковую інфармацыю можна атрымаць па электроннай пошце [email protected], ці па тэлефоне: +48-22-828-1008, +48-22-828-6996, +48-22-556-4440 (Каардынатар – Адам Пырэк).

Падрыхтавала Алеся БЯЛЕНІК

Прапанова для студэнтаў

Польска-Амэрыканская Фундацыя вольнасьцi i Фундацыя адукацыi для дэмакратыi запрашаюць здольных студэнтаў зь Беларусi, Украiны i Калiнiнчыны зьдзейсьніць колькітыднёвы візыт у навучальныя ўстановы Польшчы.

Тэрмін адукацыйнай праграмы – красавік-травень 2005 г. Да ўдзелу праграмезапрашаюцца студэнты першых курсаў (18-21 гадоў).

У межах праграмы забясьпечваецца аплата коштаў пражываньня і харчаваньня, кошт падарожжа, кошт страхоўкі і кішэнныя грошы. Таксама аказваецца дапамога ў атрыманьні візы.

Дадатковую інфармацыю, а таксама форму заявы можна атрымаць ў Інтэрнэце па адрасу: http://www.ngo.pl/labeo/app/cms/x/81328;jsessionid=7009FC90E0D31DAD89E170B1B03E7CC7.

Апошні тэрмін падачы анкетаў – 15 сьнежня 2004 году.

Анкеты павінны быць дасланыя выключна поштай па адрасе:

Fundacja Educacja dla Demokracji

Study Tours to Poland

Ul. Nowolipie 9/11

00-150 Warszawa, Polska.

Падрыхтавала Алеся БЯЛЕНІК

Стажыроўкі ў Нідэрляндах

Працягваецца рэалізацыя праграмы стажыровак Фундацыі Nuffic.

Фундацыя дае магчымасьць маладым спэцыялістам, у тым ліку і зь Беларусі, прайсьці стажыроўку тэрмінам да 4 тыдняў у галяндзкай кампаніі ці ўстанове. Фінансуе праграму Міністэрства замежных справаў Нідэрляндаў.

Сфэра дейнасьці надзвычай шырокая:

• навакольнае асяродзьдзе;

• правы чалавека;

• сацыяльнае забесьпячэньне;

• адукацыя;

• сродкі масавай інфармацыі;

• ахова здароўя;

• культура;

• мэнэджмэнт;

• эканоміка і бізнэс.

Інфармацыю пра магчымасьці праграмы можна запытаць праз e-mail: .

Падрыхтаваў Валера РУСЕЛІК

Бараніцца разам

Асамблея НГА аднаўляе праграму прававой падтрымкі няўрадавых арганізацыяў у межах Сыстэмы калектыўнай абароны НГА.

Прадугледжваецца праца сеткі юрыстаў дзеля кансультаваньня няўрадавых арганізацыяў па прававых аспэктах іх дзейнасьці.

З пытаньнямі па калектыўнай абароне няўрадавых арганізацыяў да па кансультацыі і дапамогу зьвяртайцеся:

Каардынатар Сыстэмы калектыўнай абароны – Юры Чавусаў (Выканаўчае бюро Асамблеі НГА, тэл.: (029) 6414347; e-mail: ngo@belngoinfo), Андрэй Кусяльчук (каардынатар па Гарадзеншчыне, тэл.: (029) 7674490; e-mail: ).

Падрыхтавала Алеся БЯЛЕНІК

Галяндцы дапамогуць

Праграма Малых Праектаў ( Matra/KAР) пры Амбасадзе Каралеўства Нідэрляндаў у Варшаве абвяшчае спабор на атрыманьне грантаў для невялікіх праектах, якія будуць ажыцьцяўляцца як прыватнымі ініцыятывамі, гэтак і рознымі калектывамі.

Удзел у праграме могуць узяць і беларускія НГА і ініцыятывы. Заявы трэба накіроўваць ў Амбасаду Нідэрляндаў ў Варшаве. Зацікаўленыя могуць зьвяртацца ў Амбасаду ў які заўгодна час і падаваць заявы ў адвольнай форме на адрас:

Royal Netherlands Embassy

Matra/KAP

10, Kawalerii St.

00-468 Warsaw, Poland

http:// www.nlembassy.pl

Кантактная асоба – Лукаш Бырскі ().

Найвялікшы памер гранту – 12700 USD (11500 еuro).

Таксама інфармацыю па праграме Matra/KAP у Беларусі можна атрымаць у Консульстве Каралеўства Нідэрляндаў у Менску па тэл.: (017) 262-53-23, ці па электроннай пошце: .

Падрыхтавала Алеся БЯЛЕНІК

Правы чалавека: швэдзкі адменьнік

Інстытут SIDA (Швэдзкая агенцыя міжнароднага разьвіцьця) арганізуе праграму трэнінгаў па чалавечых правох.

Практычныя курсы маюць на мэце паглыбіць веды ўдзельнікаў пра міжнародныя і рэгіянальныя сыстэмы прасоўваньня і абароны чалавечых правоў, маніторынг мэханізмаў і выкананьня нацыянальнай праграмы ў галіне чалавечых правоў. Удзельнікі будуць мець магчымасьць абмяняцца ўласным досьведам і ідэямі.

Курсы маюць адбыцца з 21 лютага па 18 сакавіка і зь19 па 23 верасьня 2005 году ў местах Лунд (Швэцыя) і Белград (Сэрбія і Чарнагорыя). Заняткі будуць праводзіцца ў ангельскай мове.

Прадстаўнікі беларускіх НГА ў ліку іншых краін таксама могуць падаваць свае заявы.

SIDA пакрывае ўсе кошты, зьвязаныя з пражываньнем, харчаваньнем і ўдзелам, а таксама транспартныя выдаткі ў абодва бакі. Удзельнікі павінны самастойна пакрыць кошты, зьвязаныя з візай.

Дадатковую інфармацыю можна атрымаць на вэб-пляцоўцы: www.rwi.lu.se/index.shtml

Падрыхтавала Алеся БЯЛЕНІК

***

Мае быць…

Цьху-цьху-цьху! Абы не ўрачы…

21 лістапада ў Гародні пройдзе справаздачна-выбарчы сход Гарадзенскай гарадзкой філіі партыі “БНФ “Адраджэньне”. На сходзе будзе абірацца новае кіраўніцтва арганізацыі.

Сёньняшні кіраўнік філіі Мікола Воран, адзін з дэмакратычных кандыдатаў у дэпутаты ў Палату прадстаўнікоў Нацыянальнага сходу па мясцовай Занёманскай акрузе №52, заявіў аб тым , што ён не плянуе вылучаць сваю кандыдатуру на пасаду старшыні арганізацыі чарговы раз.

На сёньняшні дзень кандыдатуры кандыдатаў на пасаду старшыні невядомыя.

Удзел у гарадзенскай канфэрэнцыi возьмуць старшыня партыi БНФ Вiнцук Вячорка, намесьнiкi старшынi Вiктар Iвашкевiч i Аляксей Янукевiч. Пра гэта паведамляе сайт партыі БНФ – www.pbnf.org.

“Гарадзенская арганiзацыя практычна з самага пачатку iснаваньня БНФ у 1989 годзе вядомая сваiм крытычным стаўленьнем да менскага кiраўнiцтва. Чакаецца, што й на гэты раз лiдэрам партыi давядзецца выслухаць шэраг непрыемных для сябе рэчаў”, — адзначае прэс-служба партыi “БНФ “Адраджэньне”.

Андрэй МЯЛЕШКА

***

  Падзеі

На карысьць мясцовай супольнасьці

12-13 лістапада ў Гародні адбылася міжнародная канфэрэнцыя “Інавацыйныя мэтады працы на карысьць мясцовай супольнасьці”.

Арганізатарамі канфэрэнцыі выступілі ГА “Цэнтр інфармацыйнай падтрымкі грамадскіх ініцыятыў “Трэці сектар” (Гародня, Беларусь) і Цэнтар падтрымкі й разьвіцьця грамадзянскіх ініцыятываў “ОПУС” (Лодзь, Польшча). Канфэрэнцыя адбылася ў межах праграмы “Тэхнічная дапамога для дзяржаваў, якія знаходзяцца ў пэрыядзе трансфармацыі”.

Удзел у мерапрыемстве ўзялі 54 удзельнікі з 34 арганізацыяў, прадстаўляючы 14 беларускіх і польскіх местаў.

Праграма канфэрэнцыі складалася з трох частак:

1. “Мясцовая супольнасьць – што гэта і якія мае заданьні”;
2. “Эфэктыўная арганізацыя працы на карысьць мясцовай супольнасьці – тэорыя і практыка”;
3. “Эфэктыўная арганізацыя працы на карысьць мясцовай супольнасьці – дзелімся досьведам”.

Наступным этапам праекту зьяўляецца азнаямляльны візыт у Польшчу (6-10 сьнежня 2004 году). Удзел у візыце возьме група зь 10 чалавек, сфармаваная зь ліку прадстаўнікоў арганізацыяў-удзельніц канфээнцыі. Таксама ў межах праекту будзе выдадзены зборнік матэрыялаў канфэрэнцыі ў беларускай і польскай мовах.

Волька АСТРОЎСКАЯ

За салідарнасьць!

Больш двох дзясяткаў актывістаў НГА і палітычных партыяў сабраліся 18 лістапада за круглым сталом у памяшканьні гарадзенскай арганізацыі “Таварыства беларускай школы”. Нагодай для сустрэчы сталіся 10-ыя ўгодкі прыняцьця Закону аб грамадзкіх арганізацыях.

У час сустрэчы былі падрабязна разгледжаныя тыя рэпрэсіўныя зьмены ў Законе, якія адбываліся цягам апошніх гадоў з адзінай мэтай – калі ня зьнішчыць цалкам, дык замацаваць поўны кантроль над “трэцім сэктарам” краіны з боку ўлады. Таксама згадваліся гісторыя разьвіцьця і станаўленьня грамадзкага руху ў краіне, маральна-этычныя моманты дзейнасьці сучасных беларускіх НГА, спэцыфіка арганізацыяў нацыянальных меншасьцей, і прадпрымальніцкага руху, складанасьці ўзаемадзеяньня паміж грамадзкім і палітычным сэктарамі, а таксама з інфармацыйным абменам паміж імі.

Сярод шэрагу лёзунгаў і прапановаў адзінствам гучаньня вылучаўся заклік да задзіночаньня, кансалідацыі ўсіх незалежніцкіх сіл у краіне. “Нам трэба стварыць нашу “Салідарнасьць”. Калі ня створым яе – страцім усё, пачынаючы сваімі арганізацыямі і скончваючы незалежнасьцю Беларусі”, – падсумаваў старшыня Гарадзенскай абласной філіі ГА “Фонд імя Лява Сапегі” Ўладзімер Хільмановіч.

Нагадаем, што Закон аб грамадзкіх аб’яднаньнях быў ухвалены 4 кастрычніка 1994 году.

Валера РУСЕЛІК

Над выпускам працавалі Алеся Бяленік, Лана Руднік, Андрэй Мялешка, Волька Астроўская й Валера Руселік.