За апошні год, дзякуючы сям'і Янеўскіх, новых гаспадароў знайшлі сабе 36 сабак. Усяго за гэты перыяд праз прытулак у Паперні прайшло 139 сабак. Усе сабакі ў прытулку прывіваюцца галадскай вакцынай ад 7 хвароб і праходзяць стэрылізацыю. Тані і Колі чым можа дапамагае таварыства аховы жывёл і прыватныя спонсары.

Даглядаць жывёл дапамагаюць гаспадарам прытулку дзеці з неўладкаваных сем'яў Мінска. Таня вучыць іх майстэрству прэзентацыі сабакі, азам селекцыі і догляду.

На жаль, зараз існаванне прытулку ў Паперні знаходзіцца пад пагрозай. Сітуацыя склалася так, што ў Янеўскіх няма адпаведнага ўзгаднення з мясцовай адміністрацыяй на будаўніцтва. Цяпер ад іх патрабуюць знесці ўсе вальеры на сваём участку.

Па матэрыялах артыкула Інгі Міндалёвай.