Трэнінг для дзяўчат у Гішпаніі

16-20 кастрычніка 2017 г. у Гішпаніі адбудзецца трэнінг “EMPOWERING GIRLS: Jump in international youth work”.

Мэта трэнінгу – узмацненьне маладых жанчынаў і забесьпячэньне іх інструмэнтамі для старту ў міжнароднай моладзевай працы.

Акцэнт у навучаньні робіцца на працы з маладымі жанчынамі, якія займаюцца моладзевай працай або выкладчыцамі, якія хацелі б пачаць працаваць на міжнародным узроўні, але маюць патрэбу ў падтрымцы і разуменьні таго, што гэта значыць.

Навучаньне будзе праводзіцца па наступных тэмах:
– Самастойнае пашырэньне правоў і магчымасьцяў;
– Вызначэньне выклікаў, зь якімі сутыкаюцца маладыя жанчыны ў пачатку сваёй міжнароднай працы;
– Інструмэнты для вызначэньня будучых крокаў.

Апошні тэрмін падачы заявак: 24 ліпеня 2017 г.

Праект фінансуецца Erasmus + Youth in Action Programme, адабраным кандыдаткам пакрываюцца ўсе выдаткі.

Падрабязную інфармацыю глядзіце па спасылцы.

Паводле adukacyja.info

(З рассылкі belngo.info)