Конкурс маладых журналістаў імя Аляксея Караля

 Беларускамоўны штотыднёвік “Новы час” запрашае да ўдзелу ў конкурсе імя Аляксея Караля для маладых журналістаў.

Для ўдзелу ў конкурсе не абавязкова мець журналісцкую адукацыю ці досьвед журналісцкай працы. Патрэбныя толькі жаданьне пісаць, валоданьне словам і цікавая тэма. Узрост удзельнікаў не павінен быць большым за 30 гадоў.

Да ўдзелу ў конкурсе прымаюцца толькі арыгінальныя артыкулы на беларускай мове, якія раней нідзе не публікаваліся. Артыкулы павінны быць праілюстраваныя ўласнымі (вітаецца) ці пазычанымі (з пазначэньнем крыніцы) фота.

Конкурсныя працы будуць ацэньвацца ў трох намінацыях:
– Найлепшы грамадзка-палітычны матэрыял;
– Найлепшы сацыяльна-эканамічны матэрыял;
– Найлепшы культурна-гістарычны матэрыял.

Ляўрэатаў конкурсу чакаюць каштоўныя падарункі, неабходныя ў прафэсійнай дзейнасьці, і прапанова далейшай самарэалізацыі ў камандзе “Новага часу”.

Каб узяць удзел у конкурсе, неабходна даслаць матэрыялы да 1 красавіка 2017 г.
Усе тэкставыя матэрыялы неабходна дасылаць ў электронным выглядзе праз эл. адрас [email protected] з пазнакай “КОНКУРС”. Канкурсанты маюць права даслаць некалькі матэрыялаў.

Таксама канкурсант/ канкурсантка мае напісаць кароткі аповед пра сябе (не больш за 500 знакаў) і даслаць свой фотаздымак.

Падрабязную інфармацыю пра конкурс глядзіце па спасылцы.

belngo.info