Конкурс міні-праектаў

Моладзевы інфармацыйны цэнтар прымае заяўкі на конкурс міні-праектаў. Арганізатары не абмяжоўваюць тэматыку праектаў, але чакаюць, што тыя будуць адпавядаць патрэбам мясцовай супольнасьці і будуць накіраваныя на вырашэньне існуючых праблемаў.

Міні-праекты могуць быць скіраваныя на актывізацыю ўдзелу моладзі ў грамадзкім жыцьці, разьвіцьцё мясцовых ініцыятываў, падвышэньне лідэрскага патэнцыялу. Вітаюцца ідэі, зьвязаныя з адукацыяй і навучаньнем.

Да ўдзелу запрашаюцца прадстаўнікі ўсіх рэгіёнаў Беларусі. У конкурсе могуць удзельнічаць грамадзкія арганізацыі і актывісты, ініцыятывы, выкладчыкі і студэнты. Перавага будзе аддадзеная ідэям, якія будуць рэалізаваныя ў малых гарадах і вёсках.

Праекты павінны пачацца і скончыцца ў пэрыяд з 15 лістапада 2016 г. па 15 лютага 2017 г. Бюджэт міні-праектаў ня мусіць перавышаць 700 даляраў. Усім абраным ініцыятывам будзе таксама забясьпечаная кансультацыйная і арганізацыйная падтрымка.

Каб узяць удзел у конкурсе, неабходна да 1 кастрычніка 2016 г. запоўніць заяўку.

З дадатковымі пытаньнямі зьвяртайцеся праз эл. адрас [email protected].

belngo.info