Праект для мэнэджэраў культуры “Create Culture Together”

Цэнтар культурнага мэнэджмэнту “Гефіра” (Менск) і дабрачынны фонд “Мистецькі надра” абвяшчаюць прыём заявак на ўдзел у беларуска-ўкраінскім праекце для мэнэджэраў культуры “Create Culture Together”.

Мэта праекту – даць магчымасьць абмену досьведам і ўстанаўленьню новых партнэрстваў сярод мэнэджэраў культуры Беларусі і Ўкраіны, а таксама пазнаёміць удзельнікаў з актуальнай культурай абедзьвюх краінаў.

Да ўдзелу запрашаюцца: мэнэджэры культуры і куратары зь Беларусі, якія працуюць у сфэрах візуальнага мастацтва, тэатру, музыкі, кіно, літаратуры, музэйнай справы, адукацыі ды інш. З досьведам працы ня менш за адзін год у НДА, дзяржаўных установах, прыватных ініцыятывах, асабістых праектах.

Каб узяць удзел у праекце, неабходна да 23 верасьня 2016 г. запоўніць анкету.

У выніку конкурснага адбору ў абмене зь беларускага боку прымуць удзел 7 чалавек.

Праграму праекта глядзіце па спасылцы.

Усе выдаткі на праезд, харчаваньне, пражываньне ў межах візыту ў Харкаў, а таксама частковае фінансаваньне арганізацыі форуму беларуска-ўкраінскай культуры ў Менску пакрываюць арганізатары.

Падрабязную інфармацыю глядзіце па спасылцы.

(З рассылкі belngo.info)