Базы дадзеных

Грамадcкія аб’яднанні, Фонды, Праекты, Маніторынг, Прэса

Трэці сектар

Навіны, Мэнэджмэнт, Некамерцыйнае права, Праграмы і конкурсы

Аб'яднаны шлях

Пра нас, Выданні, Праграмы, Лінкі і банеры, Кантакты

ngo.by → Маніторынг беларускай прэсы → Народная воля

Такім быў Халакост у Віцебску

20-21(3150-3151) 09.02.10 Ганебным выказванням некаторых асоб у еўрапейскіх краінах пра нібыта перабольшаную альбо нават "прыдуманую" гісторыю Халакосту пераканаўча пярэчыць дакументальнай праўдай першая віцебская акцыя, прысвечаная 65-годдзю Перамогі, — фотавыстава ў абласным краязнаўчым музеі "Халакост. Погляд праз 65 гадоў".

Экспазіцыя, зладжаная пры садзейнічанні грамадскай арганізацыі "Яўрэйскі культурны цэнтр "Мішпоха", складаецца з фотаздымкаў розных перыядаў гарадской гісторыі. 70 фота знятыя ў Віцебску падчас яго акупацыі ў 1941—1944 гадах нямецка-фашысцкімі войскамі, салдаты і афіцэры якіх рабілі гэтыя здымкі і дасылалі іх потым дадому як сведчанне сваіх подзвігаў. Але сёння фатаграфіі ўяўляюць сабой яскравую панараму віцебскіх старонак найвялікшай трагедыі яўрэйскага народа.
На фота бачныя пераслед і масавыя забойствы нявінных ахвяр генацыду, пакутнае існаванне вязняў гета, створанага нацыстамі на ўзбярэжжы Заходняй Дзвіны.
Другі раздзел выставы ўтрымлівае работы сучасных фатографаў, зробленыя ў гарадах, мястэчках, вёсках Віцебшчыны. Тут адлюстраваны выявы помнікаў на месцах расстрэлаў яўрэйскага насельніцтва, партрэты ветэранаў вайны з ліку жыхароў вобласці яўрэйскай нацыянальнасці, а таксама выявы тых, каго называюць праведнікамі народаў свету, — беларусаў, якія, рызыкуючы жыццём, ратавалі яўрэяў ад гібелі.
 
11 лютага 2010

Маніторынг беларускай прэсы

Праграмы, конкурсы, вучоба
Міністэрства юстыцыі інфармуе
Адказы на пытанні
Некамерцыйнае права

Інфармацыя на партале не з'яўляецца афіцыйнай пазіцыяй БРГА «Аб'яднаны шлях».
Адміністрацыя партала можа не падзяляць думкі аўтараў размешчаных матэрыялаў.

© БРГА «Аб’яднаны шлях», 2003—2010
Пры выкарыстанні матэрыялаў партала спасылка на крыніцу абавязкова.