18 снежня 2003

• У Беларусі набыты значны вопыт па папярэджанню і спыненню незаконнай міграцыі...

  Дадатак "Саюзнае веча" 15(38) к 314(24998) 13.12.03 У Беларусі набыты значны вопыт па папярэджанню і спыненню незаконнай міграцыі — такая ацэнка змяшчаецца ў адным з артыкулаў апошняга нумара часопіса "Международное право и международные отношения", які выдае Упраўленне Вярхоўнага камісара ААН па справах бежанцаў. У ім таксама адзначаецца, што Беларусь папярджвае краіны СНД у вырашэнні праблем вымушанай міграцыі і процідзеяння росту нелегальнай міграцыі. На 1 лістапада гэтага года статус бежанцаў у Беларусі прадастаўлены 701 іншаземцу.

5 снежня 2003

• Хольцхаўзен — Брэст: сябруюць дзеці

  305(24989) 04.12.03 У Брэсце ў гэтыя дні працуюць ініцыятыўныя групы па аказанню гуманітарнай дапамогі з нямецкіх гарадоў Хольцхаўзен і Ліндэн. Яны супрацоўнічаюць з абласным адзяленнем Фонду міру з 1992 года. Раней прадстаўнікі ініцыятыўных груп збіралі адзежу, абутак, медыкаменты і адвозілі ў раёны, пацярпеўшыя ад аварыі на ЧАЭС. Зараз накірунак дзейнасці змяніўся: нямецкія сябры прыязджаюць з грашыма, купляюць тут харчовыя наборы і перадаюць іх малазабяспечаным сем'ям. Сёння прадстаўнікі нямецкіх гарадоў сустракаюцца з настаўнікамі і вучнямі 14-й школы абласнога цэнтра.

• Журналістыка: навука аб практыцы

  306-307(24990-24991) 05.12.03 Учора на факульцеце журналістыкі БДУ пачала работу 5-я Міжнародная навукова-практычная канферэнцыя "Журналістыка-2003". Удзельнікі канферэнцыі прадстаўляюць навуковы патэнцыял ВНУ, рэдакцый газет, радыё і тэлебачання Беларусі, а таксама краін СНД і далёкага замежжа. У канферэнцыі бяруць удзел міністр інфармацыі Уладзімір Русакевіч, першы намеснік начальніка Галоўнага ідэалагічнага ўпраўлення Уладзімір Холад, старшыня Беларускага саюза журналістаў Леанід Екель і іншыя. На канферэнцыі працуе 8 секцый і "круглых сталоў".

28 лістапада 2003

• Саюзы партый і аб'яднанняў не змогуць удзельнічаць у выбарах

  298-299(24982-24983) 28.11.03 У ніжнюю палату парламента накіраваны праект закона, які ўносіць дапаўненні і змяненні ў некаторыя законы Рэспублікі Беларусь па патаннях дзейнасці палітычных партый і іншых грамадскіх арганізацый. Праектам закона ўносяцца змяненні і дапаўненні ў законы "Аб грамадскіх аб'яднаннях" і "Аб палітычных партыях". У прыватнасці, у іх будзе канкрэтызаваны парадак стварэння саюзаў (асацыяцый) палітычных партый і грамадскіх аб'яднанняў, вызначаны парадак іх дзейнасці, кантролю за ёй. У праекце закона прапісаны і віды адказнасці, якія будуць уключаць у сябе пісьмовае папярэджанне і ліквідацыю. Законапраект таксама ўстанаўлівае збор за рэгістрацыю саюзаў палітычных партый і грамадскіх аб'яднанняў, а таксама іх сімволікі.

14 лістапада 2003

• Касцёл працуе вось ужо 400 гадоў

  248(24962) 05.11.03 Аднаму са старэйшых касцёлаў Беларусі — Яна Хрысціцеля, што ў вёсцы Камаі Пастаўскага раёна, споўнілася 400 гадоў. За гэты час ён ніколі не спыняў сваёй дзейнасці. Унікальнасць гэтага храма яшчэ і ў тым, што ён калісьці выконваў абаронную функцыю. За апошнія некалькі гадоў за кошт сродкаў з абласнога бюджэту касцёл адрамантавалі, і ён выглядае ва ўсёй сваёй велічнасці. Ёсць спадзяванні, што гэты помнік архітэктуры будзе занесены ў адпаведны спіс гісторыка-культурных каштоўнасцяў ЮНЕСКО. На свята ў Камаі прыехалі ксяндзы з іншых краін, а таксама прадстаўнік Папы Рымскага на Беларусі.

• 25-ы канвой "Алісы"

  284-285(24968-24969) 14.11.03 Дабрачынная гуманітарная асацыяцыя "Аліса" з Францыі днямі даставіла ў нашу краіну чарговы канвой з медыцынскім грузам. Увесь груз быў размеркаваны паміж раённымі бальніцамі Рэчыцы і Лагойска, 9-й бальніцай і 2-й дзіцячай бальніцай Мінска.

22 кастрычніка 2003

• Некаторыя ўдзельнікі конкурсу не ведалі значэння слова "Халакост"

  264(24948) 21.10.03 Падведзены вынікі першага Рэспубліканскага конкурсу "Халакост. Гісторыя і сучаснасць". На конкурс было даслана 226 работ з 36 гарадоў і 36 вёсак Беларусі. 59 работ прызнаны лепшымі па 10 намінацыях. Дзесяць з іх прадставяць нашу краіну на міжнародным конкурсе "Халакост: папярэджанне і памяць". Ініцыятары конкурсу — Рэспубліканскі фонд "Халакост", Саюз беларускіх яўрэйскіх грамадскіх арганізацый і абшчын і Музей гісторыі і культуры яўрэяў Беларусі — ашаломленыя вынікамі. Яны не чакалі ні такой колькасці, ні разнастайнасці, ні такога высокага ўзроўню дасланых работ. Поспех гэтага конкурсу паказаў, наколькі цікавая і запатрабаваная гэта тэма для сучаснай моладзі.

2 кастрычніка 2003

• Мемарыяльны знак Уладзіслава Сыракомлі адкрыўся ў вёсцы Смольгава

  249(34933) 02.10.03 Два дні працягвалася навуковая канферэнцыя, прысвечаная 180-годдзю з дня нараджэння Уладзіслава Сыракомлі. Ініцыятарамі яе правядзення выступілі Інстытут літаратуры НАНБ, Беларускі фонд культуры, грамадскае аб'яднанне "Бацькаўчшына" пры ўдзеле польскага боку. У вёсцы Смольгава ўдзельнікі канферэнцыі адкрылі ў гонар Сыракомлі мемарыяльны знак, выкананы вядомым скульптарам з Ліды Рычардам Грушай, і залажылі рабінавую алею.

1 кастрычніка 2003

• Беларусь у фарбах і словах

  248(24932) 01.10.03 Міжнароднае грамадскае аб'яднанне "Згуртаванне беларусаў свету "Бацькаўшчына" абвясціла Чацвёрты рэспубліканскі дзіцячы літаратурна-мастацкі конкурс "Я беларус, і тым ганаруся!". Да ўдзелу ў гэтым творчым спаборніцтве запрашаюцца школьнікі ва ўзросце 12-14 гадоў. Конкурс будзе праходзіць па дзвюх намінацыях: мастацкія работы (малюнкі) і літаратурныя творы. Да ўсіх дасланых работ неабходна прыкласці звесткі пра сябе. Работы прымаюцца да 15 лістапада. Пераможцы конкурсу будуць узнагароджаны каштоўнымі падарункамі. Адрас для дасылкі конкурсных работ: МГА "ЗБС "Бацькаўшчына", вул.Рэвалюцыйная, 15, Мінск, 220030. Тэлефон у Мінску 289-31-94.

24 верасня 2003

• Незвычайныя спаборніцтвы паміж незвычайнымі дзецьмі

  228-229(24912-24913) 12.09.03 На базе спецыялізаванага сталічнага дзіцячага садка №235 адбыліся гарадскія спаборніцтвы Special Olympics Belarus сярод дзяцей з самымі цяжкімі парушэннямі псіхафізічнага развіцця. Зарэгістраваная дзесяць гадоў таму ў Беларусі арганізацыя Special Olympics Belarus уваходзіць у склад арганізацыі Special Olympics International, якую узначальвае брат амерыканскага экс-презідэнта Роберт Кенэдзі і для папулярызацыі якой шмат зрабіў зяць Кенэдзі — акцёр Шварцэнегер. "Беларускі камітэт" арганізацыі курыруе Валянін Шух. Раз у чатыры гады ён возіць дзяцей-інвалідаў на міжнародныя спаборніцтвы, якія адрозніваюцца ад Алімпійскіх гульняў тым, што там пераможцамі з'яўляюцца ўсе ўдзельнікі.

12 верасня 2003

• Гродзеншчына

  227(24911) 11.09.03 Плануецца, што неўзабаве ў Гродна прыедуць эксперты ЮНЕСКО, каб зрабіць высновы наконт уключэння Свята-Барысаглебскай царквы ў спіс помнікаў гэтай паважанай і ўплывовай міжнароднай арганізацыі. Калі гэта адбудзецца, то з'явяцца шанцы на фінансавую дапамогу, якая вельмі патрэбна, у прыватнасці, на ўмацаванне берага Нёмана ля славутага храма.

21 жніўня 2003

• У Мінску з'явіцца Сад народаў свету

  202-203(24886-24887) 15.08.03 З 17 па 30 жніўня на базе сталічнага Цэнтральнага батанічнага саду пройдзе міжнародны валанцёрскі экалагічны летнік. Арганізавала яго беларускае маладзёжнае грамадскае аб'яднанне "Новая група". Сярод удзельнікаў, акрамя нашых суайчыннікаў, будуць маладыя людзі — пераважна студэнты — з Германіі, Вялікабрытаніі, Фінляндыі і іншых еўрапейскіх краін. Асноўная ідэя экалагічнага летніку — стварэнне Саду народаў свету, які ўвасабляе гармонію паміж людзьмі і прыродай.

14 жніўня 2003

• Тры гістарычныя аб'екты Брэсцкай вобласці прэтэндуюць на ўключэнне ў спіс сусветнай спадчыны ЮНЕСКО

  201(24885) 14.08.03 У цяперашні час дэпартамент па ахове гісторыка-культурнай спадчыны і рэстаўрацыі Міністэрства культуры Беларусі рыхтуе на разгляд экспертаў ЮНЕСКО пакеты дакументаў па 18 аб'ектах Беларусі. У іх ліку "Камянецкая вежа" (ХІІ-ХІІІ стагоддзе), палацавы ансамбль у Ружанах і збудаванні Брэсцкай крэпасці (Холмскія і Цярэспальскія вароты, казармы і фартыфікацыйныя збудаванні), якія захаваліся ў першапачатковым выглядзе і не былі падвергнуты рэстаўрацыйным работам, што з'яўляецца адным з рашаючых фактараў пры прыняцці рашэння аб унясенні іх у спіс сусветнай спадчыны. Чакаецца, што экспертная група ЮНЕСКО прыбудзе ў Беларусь у лістападзе гэтага года.

15 ліпеня 2003

• Шатландцы адрамантуюць будынкі дзіцячай інфекцыйнай бальніцы

  174(24858) 15.07.03 Дваццаць пяць юнакоў і дзяўчат з Шатландыі разам са сваімі выкладчыкамі адрамантуюць будынкі дзіцячай інфекцыйнай бальніцы ў Мінску і пабудуюць на яе тэрыторыі пляцоўку для гульняў. Аб гэтым паведаміў старшыня Беларускага рэспубліканскага таварыства "Дзеці ў бядзе" Яўген Украінцаў. Паводле яго слоў, гэта ўжо трэці прыезд прадстаўнікоў арганізацыі "BUSKIT". Яны маюць намер падарыць лячэбнай установе аўтаматычны біяхімічны аналізатар крыві коштам 15 тысяч долараў.

14 ліпеня 2003

• Высокая ўзнагарода нашай суайчынніцы з Беластока

  171-172(24855-24856) 11.07.03 Днямі пасол Беларусі ў Варшаве Павел Латушка ўручыў ад імя прэзідэнта Беларусі Аляксандра Лукашэнкі медаль Францыска Скарыны сакратару Галоўнага праўлення Беларускага грамадска-культурнага таварыства ў Польшчы Валянціне Ласкевіч. Яна ўзнагароджана за актыўную шматгадовую дзейнасць па развіццю беларуска-польскіх культурных сувязяў і захаванню беларускай культурнай спадчыны.

• Патэнцыяльнаму прадпрымальніку ў сельскай мясцовасці трэба ехаць у Камарова

  173(24857) 12.07.03 Менавіта Камарова, вёска ў Мядзельскім раёне, вызначана месцам размяшчэння будучага цэнтра па развіццю сельскага прадпрымальніцтва ў краіне. Пры гэтым у стварэнні названага цэнтра прымуць удзел грамадская арганізацыя "Жанчыны за адраджэнне Нарачанскага краю", Свірскі сельскагаспадарчы прафесійны ліцэй і таварыства з дадатковай адказнасцю "Аграрны кансультацыйны цэнтр "Сучасная аграрная вытворчасць", якія выйшлі пераможцамі адпаведнага конкурсу, што праводзіўся ў рамках сумеснага праекта ўрада краіны і Праграмы развіцця ААН "Актывізацыя прадпрымальніцкай дзейнасці праз развіццё партнёрства дзяржавы і прыватнага сектара".

25 чэрвеня 2003

• Як захаваць грошы ў Беларусі

  157-158(24841-24842) 24.06.03 З чарговай ініцыятывай выйшаў Беларускі саюз жанчын. Першага ліпеня ён праводзіць у Мінску семінар на тэму "Фінансавае планаванне асабістых сродкаў". Да ўдзелу запрошаныя ўладальнікі кампаній, менеджары розных ўзроўняў, кіраўнікі прадпрыемстваў, а таксама людзі, якія жадаюць забяспечыць сабе і сваім блізкім фінансавую абарону. Весці семінар будзе Уладзімір Сцяпанавіч Савянок — фінансіст з 10-гадовым вопытам кіравання грашыма і ацэнкі нерухомасці кампаній, які шматразова праходзіў навучанне па гэтай тэматыцы ў буйнейшых фінансавых структурах Еўропы і ЗША.

20 чэрвеня 2003

• Торт-велікан

  147-148(24831-24832) 14.06.03 Нядаўна ў круглай зале віцебскага рэстарана "Аўрора" спонсары падарылі дзецям-інвалідам вялікі торт вагой больш за 70 кілаграмаў. Каб унесці яго ў памяшканне, прыйшлося знімаць дзверы. Свята для дзяцей, бацькоў якіх аб'ядноўвае грамадскае аб'яднанне "Пераадоленне", арганізавалі Гандлёвы дом "Дзвіна", прадпрыемства "Віцьба" і іншыя.

12 чэрвеня 2003

• Другі этап выплат ахвярам нацызму пачнецца ў кастрычніку

  143(24827) 11.06.03 Другі этап выплат грамадзянам, пацярпеўшым ад нацыянал-сацыялісцкага пераследу, пачнецца з 15 кастрычніка — аб гэтым паведаміў старшыня праўлення фонду "Узаемаразуменне і прымірэнне" Валянцін Герасімаў на прэс-канферэнцыі з нагоды 10-гадовага юбілею фонду. Фонд пры фінансавай падтрымцы нямецкага фонду "Памяць, адказнасць і будучыня" і іншых дабрачынных арганізацый Германіі праводзіць рэалізацыю шэрагу іншых праектаў гуманітарнай падтрымкі асоб, якія пацярпелі ад нацыянал-сацыялісцкага пераследу. У прыватнасці, для гэтай катэрогыі ўжо адчыненыя тры бясплатныя аптэкі — у Мінску, Брэсце і Віцебску.

9 чэрвеня 2003

• Сумесны праект Сусветнага банка і беларускага ўрада набывае канкрэтныя абрысы

  136(24820) 04.06.03 На працягу 2001-2002 гадоў Сусветны банк вывучаў наступствы аварыі на Чарнобыльскай АЭС. Даследванні прадугледжваюцца для вызначэння першачарговых мераў з выдзяленнем пазыкі ў памеры да 45 мільёнаў долараў, а таксама невялікіх грантаў для рэалізацыі шэрагу планаў. Гэтыя сродкі мяркуецца выкарыстаць не толькі ўласна на арганізацыю сацыяльнай абароны насельніцтва забруджаных раёнаў, але і на рэалізацыю шэрагу доўгатэрміновых эканамічных праектаў. Сярод іх — стварэнне дрэваапрацоўчых прадпрыемстваў, развіццё мясной жывёлагадоўлі і наступнай перапрацоўкі сыравіны. Адначасова — і пошук ранкаў збыту прадукцыі, аказанне маркетынгавых паслуг.

• Эка-знак для беларускай прадукцыі

  138-139(24822-24823) 06.06.03 У лютым гэтага года па ініцыятыве Міністэрства прыродных рэсурсаў і аховы навакольнага асяроддзя і прадстаўніцтва ААН у Беларусі быў абвешчаны грамадскі конкурс на экалагічны знак. Палёт творчай фантазіі абмяжоўвала толькі ўмова прысутнасці на эмблеме максімум трох колераў і адсутнасці тэкставых тлумачэнняў. Нядаўна стала вядома імя пераможцы. Ім стаў малады дызайнер Аляксандр Мазанаў. Цяпер знак, які прыдумаў Аляксандр, будзе прыняты ў якасці стандарта нашай краіны. Мяркуецца, што ім будуць маркіраваць прадукцыю айчынных вытворцаў, якая найбольш адпавядае экалагічным патрабаванням.

27 траўня 2003

• Белавежскую пушчу праінспектуюць міжнародныя спецыялісты

  124-125(24808-24809) 23.05.03 Ужо трэці год запар на тэрыторыі нацыянальнага парку "Белавежская пушча" працягваецца эпідэмія, калі яловыя лясы бязлітасна атакуе жук-караед тыпограф. Каб выратаваць хворую пушчу, спецыялістамі было прапанавана правесці санітарныя кропкавыя высечкі засохлых ельнікаў. Улічваючы вялікі грамадскі рэзананс вакол бяды ў Белавежскай пушчы, будзе створана Міждзяржаўная камісія, якая зробіць высновы аб тым, што сёння адбываецца ў галоўным нацыянальным парку краіны. У склад камісіі будуць запрошаны спецыялісты з Украіны, Расіі, Польшчы, Германіі, краін Балтыі, эксперты ААН і іншыя.

20 траўня 2003

• Дэпутаты пагадзіліся са змяненнямі ў закон аб партыях

  116(24800) 15.05.03 Законапраект "Аб унясенні змяненняў і дапаўненняў у некаторыя законы Рэспублікі Беларусь па пытаннях дзейнасці палітычных партый і іншых грамадскіх аб'яднанняў" прадугледжвае спыненне дзейнасці грамадскага аб'яднання або палітычнай партыі ў выпадках, якія прадугледжаны заканадаўствам. Да такіх выпадкаў адносіцца аднаразовае парушэнне заканадаўства, пры якім адказныя асобы не забяспечылі парадак арганізацыі або правядзення сходаў, мітынгаў, вулічных шэсцяў, дэманстрацый і пікетавання, што пацягнула за сабой нанясенне ўрону ў буйным памеры або істотнае парушэнне правоў і законных інтарэсаў дзяржавы, грамадзян або арганізацый.

• Палкоўніку ніхто не піша… сцэнарыяў

  119-120(24803-24804) 17.05.03 Міністэрства культуры сумесна з БРСМ абвясціла адкрыты конкурс кінасцэнарыяў кароткаметражных фільмаў сярод маладых аўтараў да 31 года. Адно з галоўных патрабаванняў — сцэнарый павінен быць прысвечаны нацыянальнай тэматыцы. Вынікі будуць праведзены 17 снежня 2003 года — у Дзень кіно.

2 траўня 2003

• Грэцыя далёкая і блізкая

  105-106(24789-24790) 26.04.03 Нядаўна ў Мінску грамадскае аб'яднанне "Грэчаскае нацыянальна-культурнае таварыства "Алкестыда" пры садзейнічанні Дзяржаўнага камітэта па справах рэлігій і нацыянальнасцяў у памяшканні бібіліятэкі імя Талстога адкрыла куток грэчаскай кнігі. У бібліятэцы — гісторыя Старажытнай Элады і жыццё ў сённяшняй Грэцыі, творы аўтараў антычнай літаратуры, нататкі пра гэты прыгожы, экзатычны край.

22 красавіка 2003

• Музей Маці-жанчыны

  90-91(24774-24775) 11.04.03 Музей Маці-жанчыны ствараецца на базе Путрышкаўскай сярэдняй школы Гродзенскага раёна па ініцыятыве яе дырэктара, кіраўніка раённай жаночай арганізацыі "Надзея" Л.Кашанковай. Матэрыялы музея пазнаёмяць усіх жадаючых з жанчынамі, якім прысвоена званне "Маці-гераіня", удовамі і маці загінуўшых воінаў-інтэрнацыяналістаў, пераможцамі абласнога конкурсу "Жанчына Гродзеншчыны — за духоўнасць і маральнасць".

28 сакавіка 2003

• Мамалогія патрабуе ўсё больш

  57-58(24741-24742) 07.03.2003 Упершыню ў Беларусі 28-29 сакавіка пройдзе Міжнародная канферэнцыя для жанчын, якія перахварэлі на рак малочнай залозы. Беларускія жанчыны будуць мець магчымасць сустрэцца ў Мінску з нарвежкамі, полькамі, украінкамі, швейцаркамі, якія навучыліся жыць з дыягназам "рак". Ініцыятар і распрацоўшчык мерапрыемства — прафесар-мамолаг Леанід Путырскі.

25 сакавіка 2003

• Вы страцілі работу? Можа, яно і да лепшага

  54(24738) 05.03.2003 Летась Беларускі саюз жанчын сумесна са спецыялістамі адпаведных міністэрстваў і ведамстваў вывучаў пытанне аб стане ўмоў працы і быту жанчын, якія працуюць на прамысловых прадпрыемствах.

24 сакавіка 2003

• Спорт — на варце міру

  44-45(24728-24729) 21.02.2003 НАК Беларусі падпісаў пагадненне аб супрацоўніцтве з Алімпійскім камітэтам Ірака.

• У каго бацька тры "Т", а ў каго — БДФ

  49(24733) 27.02.2003 Грамадская арганізацыя "Беларускі дзіцячы фонд" адзначае сваё 15-годдзе з дня заснавання. За апошнія пяць гадоў БДФ аказаў дапамогу дзецям-сіротам, хворым дзецям, інвалідам, бедным сем'ям на суму каля 1 мільёна долараў.

21 сакавіка 2003

• "Love story" — не па-нашаму. Па-нашаму — "гісторыя кахання"

  54(24738) 05.03.2003 Таварыства беларускай мовы праводзіць своеасаблівыя мерапрыемствы-месячнікі. Верасень прайшоў пад дэвізам "Гаворым па-беларуску"; у кастрычніку ТБМ заклікала "Спяваем па-беларуску"; у лістападзе па ініцыятыве студэнтаў прайшла акцыя "Таньчым па-беларуску"; у снежні — "Чытаем па-беларуску". 14 лютага ТБМ аб'явіла месячнік "Любім і кахаем па-беларуску". Маладых людзей заклікаюць прызнавацца ў каханні на роднай мове. Да 15 сакавіка праводзіцца конкурс на лепшую гісторыю свайго знаёмства. Узяць удзел у ім могуць маладыя людзі ва ўзросце да 25 гадоў. Суперпрыз — адпачынак пары на адным з курортаў Беларусі.

• Лепшыя маркі Беларусі

  54(24738) 05.03.2003 З 30 снежня 2002 года па 20 студзеня 2003 года сярод насельніцтва Беларусі праводзілася рэспубліканскае апытанне-конкурс "Лепшая паштовая марка Рэспублікі Беларусь 2002 года". Усяго атрымана 1369 лістоў. Па найбольшай колькасці водгукаў лепшай маркай 2002 года прызнаны паштовы блок "Птушка года ў Беларусі".

20 сакавіка 2003

• Такія ж, як мы

  44-45(24728-24729) 21.02.2003 Апавяданне пра дзіцячую школу-садок № 270 на вуліцы Берута ў Мінску. Сюды ходзяць малышы з анкагематалагічнымі захворваннямі. У верасні ў садка юбілей — 10 гадоў з дня адкрыцця. Пачыналася ўсё вельмі няпроста. Аднойчы з'яднаныя агульным горам бацькі хворых дзетак аб'ядналіся ў арганізацыю "Дзеці ў бядзе". Першапачаткова ў садку было ўсяго 20 дзетак. Сёння — 80. Праз некалькі гадоў пасля адкрыцця пры садзе з'явілася пачатковая школа. Персанал установы складае 50 чалавек. У школы-садка сёння шмат праблем, галоўная з іх — недахват грошай. Выхавальнікі, бацькі і дзеці будуць рады любой падтрымцы.

• "Белы замак" запрашае сучаснікаў наведаць Сярэднявечча

  47(24731) 25.02.2003 7-9 сакавіка ў сталічным Палацы дзяцей і моладзі адбудзецца VI фестываль сярэднявечнай культуры і музыкі "Белы замак-2003". Мяркуецца ўдзел у свяце прадстаўнікоў з больш чым 50 ваенна-гістарычных клубаў Беларусі, Расіі, Украіны, Польшчы краін Балтыі. Арганізатарамі мерапрыемстваў выступілі Нацыянальная камісія па справах ЮНЕСКО ў Рэспубліцы Беларусь, Мінскі палац дзяцей і моладзі, ваенна-гістарычнае аб'яднанне "Ордэн Паўночнага Храма". У трохдзённую праграму фестывалю ўваходзяць пастановачныя баі, рыцарскі турнір, спаборніцтва лучнікаў і арбалетчыкаў, гістарычны баль, конкурс-паказ сярэднявечнай моды, канцэрты менестрэляў.

17 сакавіка 2003

• "Гэтым вынікам ганарылася б любая краіна"

  53(24737) 04.03.2003 У Мінск пасля спаборніцтваў на этапах Кубка свету і чэмпіянату Еўропы вярнулася нацыянальная каманда па біятлону. У індывідуальных відах праграмы на этапах Кубка свету 6 медалёў заваяваў Уладзімір Драчоў, 3 — Алена Зубрылава, 2 — Алег Рыжанкоў, 1 — Аляксей Айдараў. Акрамя таго, на чэмпіянаце Еўропы спартсмены атрымалі 1 залаты, 7 сярэбраных і 5 бронзавых медалёў.

13 сакавіка 2003

• Дзесьці на белым свеце

  46(24730) 22.02.2003 Сорак нямецкіх пісьменнікаў збіраюцца паставіць сусветны рэкорд па вытворчасці кнігі — ад моманту зараджэння сюжэта да з'яўлення кнігі ў продажы пройдзе 12 гадзін. Арганізатарам такой акцыі стаў германскі "Фонд чытачоў". 23 красавіка ў 7.30 раніцы групе пісьменнікаў будзе дадзена тэма. Да канца працоўнага дня ўвесь тыраж павінен будзе аказацца на прылаўках кніжных магазінаў 10 германскіх гарадоў. Кожны аўтар напіша не менш як дзве старонкі тэксту. Такім чынам, у кнізе будзе 96 старонак, уключаючы тытульныя лісты і прадмову.

• Прэзідэнтам саюза цыганоў выбраны прадстаўнік Беларусі

  46(24730) 22.02.2003 Прэзідэнтам Міжнароднага саюза цыганоў краін СНД і Балтыі выбраны прадстаўнік Беларусі Алег Казлоўскі, які ўзначальвае беларускую цыганскую дыяспару. З'езд Міжнароднага саюза прайшоў у Смаленску. Асноўнай тэмай з'езда было вырашэнне пытанняў па адраджэнню культурнай, духоўнай і гістарычнай спадчыны цыганскага народа.

• "Пошук" сустрэўся з дэпутатамі

  49(24733) 27.02.2003 27 лютага 2003 года завяршыўся агітпераход, прысвечаны памяці Пятра Міронавіча Машэрава. У 1938 годзе малады Машэраў удзельнічаў у першым агітпераходзе па месцах баёў 27-й Омскай дывізіі, якая дзейнічала у гады грамадзянскай вайны. У 1978 годзе навучэнцы Віцебскага ПТВ-96 паўтарылі агітпераход. З таго часу ён праводзіцца кожныя 5 гадоў. Апошнія два агітпераходы правялі члены Беларускай рэспубліканскай асацыяцыі "Пошук". Маршрут праходзіў праз гарады Віцебск-Орша-Магілёў-Мінск. У сёлетнім агітпераходзе ўдзельнічалі 25 віцебскіх вучняў і студэнтаў, якія за 10 дзён адолелі 450 кіламетраў, перасеклі 3 вобласці, сустрэліся са школьнікамі і навучэнцамі, наведалі музеі.