Базы дадзеных

Грамадcкія аб’яднанні, Фонды, Праекты, Маніторынг, Прэса

Трэці сектар

Навіны, Мэнэджмэнт, Некамерцыйнае права, Праграмы і конкурсы

Аб'яднаны шлях

Пра нас, Выданні, Праграмы, Лінкі і банеры, Кантакты

ngo.by → Маніторынг беларускай прэсы → Звязда

"Будзем жыць!"

№ 76(26943)28.04.11 ...Спявалі беларускія зоркі ў сталічным атэлі "Краўн Плаза" 26 красавіка — у Дзень памяці чарнобыльскай трагедыі. Спявалі для анкалагічна хворых дзяцей. Гэта была вельмі важная дабрачынная акцыя ў падтрымку маленькіх жыхароў, якія аказаліся ў страшэннай бядзе.

Дабрачынная акцыя з такой жыццясцвярджальнай назвай прайшла ў дзень 25-й гадавіны чарнобыльскай катастрофы па ініцыятыве і падтрымцы сталічнага атэля "Краўн Плаза". Адбыўся больш чым трохгадзінны канцэрт зорак эстрады для асаблівай катэгорыі беларускіх дзетак — пацыентаў Рэспубліканскага дзіцячага анкалагічна-гематалагічнага цэнтра. А таксама для дзяцей чарнобыльскіх ліквідатараў і сацыяльна неабароненых.
— Мы хочам падтрымаць дзяцей у бядзе, даць ім надзею і падтрымаць іх сілы ў пераадоленні цяжкіх хвароб, — падзялілася Ірына Арыновіч — старшыня вядомай гуманітарнай асацыяцыі "Давер", якая таксама далучылася да арганізацыі прыгожага, вясёлага і вельмі важнага мерапрыемства.
  
Андрэй Хлястоў, Георгій Калдун і Альберт Скараход, гурты "Цвет алоэ", "Федэрацыя", "Світанак" і іншыя артысты пагадзіліся праспяваць для гэтых дзяцей, некаторыя з якіх прыехалі на свята (для іх гэта было сапраўднае свята) у марлевых павязках на тварах. У гэтыя хвіліны, адчувалася, што маленькія пацыенты анкалогіі забыліся пра свае пакуты. Для незвычайных гасцей прэстыжнага атэля быў падрыхтаваны багаты на вітаміны стол, смачны і карысны полудзень.
 
Асаблівасцю сустрэчы быў удзел і колішніх пацыентаў анкалогіі і гематалогіі, якія лячыліся і дзесяць, і пятнаццаць, і дваццаць гадоў таму і цалкам выздаравелі. Станоўчы прыклад вельмі важны. Маладыя мамы прывялі нават сваіх маленькіх дзетак.
 
Свет не без добрых людзей, і таму чарнобыльская праблема не забываецца, колькі б ні мінула дзесяцігоддзяў. Словы ўдзячнасці прамаўляліся і пасольству Італіі ў Беларусі, і сталічнаму клубу львоў "Лайнз клуб", якія таксама далучыліся да таго, каб акцыя "Будзем жыць" адбылася.
Анатоль Кляшчук.
 
 
1 траўня 2011

Маніторынг беларускай прэсы

Праграмы, конкурсы, вучоба
Міністэрства юстыцыі інфармуе
Адказы на пытанні
Некамерцыйнае права

Інфармацыя на партале не з'яўляецца афіцыйнай пазіцыяй БРГА «Аб'яднаны шлях».
Адміністрацыя партала можа не падзяляць думкі аўтараў размешчаных матэрыялаў.

© БРГА «Аб’яднаны шлях», 2003—2010
Пры выкарыстанні матэрыялаў партала спасылка на крыніцу абавязкова.