Базы дадзеных

Грамадcкія аб’яднанні, Фонды, Праекты, Маніторынг, Прэса

Трэці сектар

Навіны, Мэнэджмэнт, Некамерцыйнае права, Праграмы і конкурсы

Аб'яднаны шлях

Пра нас, Выданні, Праграмы, Лінкі і банеры, Кантакты

ngo.by → Маніторынг беларускай прэсы → Звязда

Аднаго трэнера па джыу-джыцу прыгаварылі да смяротнага пакарання, другога — да пажыццёвага зняволення

№ 40 (26904) 02.03.11 Аб гэтым  паведамілі ў Генеральнай пракуратуры Беларусі.

Расследаваннем устаноўлена, што заснавальнік і старшыня Беларускага рэспубліканскага грамадскага аб'яднання "Джыу-джыцу і самаабарона" Аляксандр Козыраў у чэрвені 2009 года стварыў і ўзначаліў арганізаваную ўзброеную групу з мэтай разбойнага нападзення на грамадзян. У яе склад увайшлі трэнеры-выкладчыкі вышэйназванага грамадскага аб'яднання. Банду затрымалі 12 верасня 2009 года. Да гэтага часу яна паспела з прымяненнем агнястрэльнай зброі здзейсніць разбойныя напады на 6 чалавек, замах на забойства 2 чалавек і пазбавіць жыцця 4 чалавек. Пры гэтым чужыя аўтамабілі і маёмасць, якая знаходзілася ў іх, прысвойвалі. Усе пацярпелыя — грамадзяне Расійскай Федэрацыі і Рэспублікі Малдова. Органам папярэдняга следства, адзначылі ў Генпракуратуры, устаноўлены і іншыя эпізоды злачыннай дзейнасці банды.
Крымінальнае праследаванне ў адносінах Козырава было спынена 20 красавіка 2010 года ў сувязі са смерцю. Яго ж напарнікаў, былых трэнераў па джыу-джыцу, суд Магілёўскай вобласці прыгаварыў да суровых мер пакарання: Мяліку прызначана пакаранне смерцю з канфіскацыяй маёмасці, Сычову — пажыццёвае зняволенне таксама з канфіскацыяй маёмасці. Абодва мужчыны прызнаныя вінаватымі ў здзяйсненні забойства дзвюх і больш асоб з карысных пабуджэнняў, у разбоі, крадзяжах, бандытызме. Прысуд уступіў у законную сілу, касацыйныя скаргі падсудных пакінулі без задавальнення.
Надзея Дрыла.
 
2 сакавіка 2011

Маніторынг беларускай прэсы

Праграмы, конкурсы, вучоба
Міністэрства юстыцыі інфармуе
Адказы на пытанні
Некамерцыйнае права

Інфармацыя на партале не з'яўляецца афіцыйнай пазіцыяй БРГА «Аб'яднаны шлях».
Адміністрацыя партала можа не падзяляць думкі аўтараў размешчаных матэрыялаў.

© БРГА «Аб’яднаны шлях», 2003—2010
Пры выкарыстанні матэрыялаў партала спасылка на крыніцу абавязкова.